Սանկտ Պետերբուրգում 32–ամյա հայ է մահացել տարօրինակ հանգամանքներում

ԵՐԵՎԱՆ, 11 հուլիսի./Նովոստի–Արմենիա/. Սանկտ Պետերբուրգում 32–ամյա հայ տղամարդ է մահացել ոստիկանների կողմից բերման ենթարկվելու ժամանակ։  

Ինչպես հաղորդում է «Մոյկա78»–ը, միջադեպը տեղի է ունեցել հուլիսի 10–ին։ Ոստիկանության պարեկային խումբը նկատել է մերկ մի տղամարդու։ Նա վազելիս է եղել ճանապարհի երթևեկելի հատվածով։ Տղամարդու հագին եղել է միայն կիսավարտիք և կիսագուլպաներ։ Նա իրեն ոչ ադեկվատ է պահել։

Երբ տղամարդու ձեռքերը ծալել են մեջքի հետևում, նա հանկարծ դադարել է շնչել։ Ոստիկանները կատարել են վերակենդանացման գործողություններ, սակայն ապարդյուն։ Դեպքի վայր ժամանած բժիշկներն արձանագրել են, որ տղամարդը մահացել է։ 

Տղամարդու ինքնությունը պարզվել է։ Հայտնի է, որ Պետերբուրգում նա ապրել է առանց գրանցման Լենինսկի պողոտայում վարձակալած բնակարանում։ 

Տղամարդու մարմինն ուղարկել են դիահերձարան, որտեղ փորձագետները պետք է պարզեն երիտասարդի մահվան պատճառը։–0–