ԵՐԵՎԱՆ, 30 հունվարի./Նովոստի–Արմենիա/. 2018 թվականի հունվարի 29-ին՝ ժամը 16:30-ին, ՀՀ ԱՆ «Արթիկ» քրեակատարողական հիմնարկի աշխատակիցները, օպերատիվ տվյալներն իրացնելով, անձնական զննության են ենթարկել հիմնարկ այցելած քաղաքացի Մ. Ս.-ին, որի վերնահագուստի աջ գրպանից հայտնաբերել և առգրավել են ծխախոտի տուփ, որի մեջ առկա է եղել դեղին պոլիէթիլենով փաթեթավորված երկու փաթեթ, հաղորդում է ՀՀ ԱՆ քրեակատարողական ծառայությունը։
«Առաջինում առկա էր մուգ դարչնագույն յուրահատուկ սուր հոտով, ընդհանուրը 5,3 գրամ քաշով կոշտ զանգված, իսկ երկրորդում` 1,2 գրամ քաշով նույնատիպ զանգված», –նշվում է հաղորդագրության մեջ։
Հայտնաբերվածներն ուղարկվել են դատաքիմիական փորձաքննության:
Փաստի առթիվ նախապատրաստվում են նյութեր:–0–