ԵՐԵՎԱՆ, 29 հունիսի./Նովոստի–Արմենիա/. Այսօր ՀՀ ԱԻՆ–ը մի քանի ահազանգ է ստացել օձերի հայտնաբերման մասին։
Մասնավորապես, հունիսի 29-ին ժամը 18:45-ին «911» ծառայությանն ահազանգ է ստացվել, որ Երևան քաղաքի Դավիթաշեն գյուղի 2-րդ փողոցի տներից մեկում օձ է նկատվել, որին բռնելու և անվտանգ տարածք տեղափոխելու համար անհրաժեշտ է փրկարարների օգնությունը:
Загружается новость ... "Лево"
Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Փրկարարները գյուրզա տեսակի օձին բռնել և տեղափոխել են անվտանգ տարածք:
Կրկին այսօր ժամը 09:44-ին «911» ծառայությանն ահազանգ է ստացվել, որ Երևան քաղաքի Լեփսիուս փողոցի թիվ 17 շենքի բնակարաններից մեկում (պատուհանագոգին) օձ է նկատվում, որին բռնելու և անվտանգ տարածք տեղափոխելու համար անհրաժեշտ է փրկարարների օգնությունը։
Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Փրկարարները շահմար տեսակի օձին տեղափոխել են անվտանգ տարածք:–0–