Սարկոզիի կինն ու դուստրը դուրս են գրվել ծննդատնից
![Սարկոզիի կինն ու դուստրը դուրս են գրվել ծննդատնից Սարկոզիի կինն ու դուստրը դուրս են գրվել ծննդատնից](/upload/iblock/52b/hyhlp2s2be99dsnoggj2a773yab5du20.jpg)
ԵՐԵՎԱՆ, 24 հոկտեմբերի. /Նովոստի-Արմենիա/. Ֆրանսիայի առաջին տիկին Կարլա Բրունի-Սարկոզին նորածին դուստր Ջուլիայի հետ կիրակի դուրս է գրվել Փարիզի «Լյա Մյուեթ» կլինիկայից, որտեղ փոքրիկը լույս աշխարհ է եկել չորեքշաբթի երեկոյան, հաղորդում է «ՌԻԱ Նովոստին»՝ հղում անելով Ֆրանս Փրես գործակալությանը:
Բրունի-Սարկոզին և նրա դուստրը, որոնց շաբաթ օրը երեք անգամ այցելել է երջանիկ հայրը՝ Ֆրանսիայի նախագահ Նիկոլա Սարկոզին, դուրս են գրվել հիվանդանոցից կիրակի կեսօրին: Մայրը երեխայի հետ միասին նստել է իրենց սպասող ավտոմեքենան և հեռացել:
Սարկոզին այս պահին գտնվում է Բրյուսելում՝ ԵՄ գագաթնաժողովին մասնակցելու նպատակով: Նա դարձել է Ֆրանսիայի հինգերորդ հանրապետության առաջին նախագահը, ով փոքրիկ է ունեցել նախագահի պաշտոնում պաշտոնավարելու ընթացքում: Ջուլիան Սարկոզիի առաջին դուստրն է, նա արդեն ունի երեք որդի նախորդ երկու ամուսնություններից:-0-