ԵՐԵՎԱՆ, 29 մայիսի. /Նովոստի–Արմենիա/. Մոսկվայում մրրիկի հետևանքով 11 մարդ է զոհվել, հայտնում է
meduza.io-ն` հղում անելով «Ինտերֆաքսին»։ Նույնքան զոհերի մասին ՌԻԱ Նովոստիին են հայտնել Մոսկվայի առողջապահության դեպարտամենտից։
Աղբյուրի հաղորդմամբ, տարերային աղետի հետևանքով տուժածների թիվը հասնում է 50–ի։
Լուսանկարը` roldub
Մոսկվայի քաղաքապետ Սերգեյ Սոբյանինն իր թվիթերում ցավակցություն է հայտնել զոհվածների ընտանիքներին և տուժածներին` չհստակեցնելով զոհերի մասին տվյալները։
Մոսկվայի տարբեր շրջաններում մայիսի 29–ի հորդառատ անձրև է տեղացել, որն ուղեկցվել է քամու ուժգնացմամբ մինչև 20 մետր վայրկյան։ Քաղաքապետի խոսքով, հարյուրավոր ծառեր են արմատախիլ եղել։
Загружается новость ... "Лево"
Մրրիկից տուժել է Մոսկվայի մարզը։ Նարո–ֆոմինսկի, Իստրինսկի և Մոժայսկի շրջաններում հարյուրավոր տնային տնտեսություններ մնացել են առանց էլեկտրականության։ «Ինտերֆաքսի» աղբյորները հայտնում են 11–ամյա աղջկա մասին, ով մահացել է Ռամենսկի շրջանում` ծառի ընկնելու հետևանքով։ Կրասնոգորսկի բնակչի վրա մետաղաթիթեղ է ընկել` զրկելով նրան կյանքից։
ԱԻՆ–ում նշել են, որ քամու հետևանքով հնարավոր են էլեկտրահաղորդման գծերի վնասումներ, ծառերի մասնակի անկում, գովազդային վահանակների վնասում, որը կարող է արգելափակել ճանապարհները։
Загружается новость ...
"Право"
Առավոտյան ՌԴ հիդրոմետկենտրոնը Մոսկվայում վտանգի «դեղին» մակարդակ է հայտարարել քամու ուժգնացման և կանխատեսված ամպրոպի պատճառով։ -0-