Լավրով. Ռուսաստանը չի պատրաստվում պատերազմել Թուրքիայի հետ

ԵՐԵՎԱՆ, 25 նոյեմբերի. /Նովոստի–Արմենիա/.Ռուսաստանը չի պատրաստվում պատերազմել Թուրքայի հետ, ասել է Ռուսաստանի արտգործնախարար Սերգեյ Լավրովը:

«Մենք չենք պատրաստվում պատերազմել Թուրքայի հետ, թուրք ժողովրդի նկատմամբ մեր վերաբերմունքը չի փոխվել, պարզապես հարցեր են առաջացել Թուրքիայի ղեկավարության հետ»,-նախարարի խոսքերն է մեջբերում ՏԱՍՍ-ը:

Միաժամանակ, ՌԴ արտգործնախարարը նշել է, որ թուրքական ՌՕՈւ-ի կողմից ռուսական ՍՈւ-24-ի վրա հարձակումը ծրագրավորված սադրանքի է նման: «Մենք լուրջ կասկածներ ունենք, որ դա կանխամտածված ակտ չէր, այն շատ նման է ծրագրավորված սադրանքի»,-ընդծել է նախարարը:

Անկարան ձգտում է Մոսկվայի հետ պահպանել բարեկամական հարաբերությունները:

Ռուսաստանի արտգործնախարարը միևնույն ժամանակ ասել է, որ Մոսկվան կվերանայի իր պայմնավորվածություններն ու հարաբերությունները Թուրքիայի հետ:

Նախօրեին Սու-24 ռուսական ռազմական ինքնաթիռը կործանվել էր Սիրիայում։ ՌԴ նախագահ Վլադիմիր Պուտինը հայտարարել էր, որ ինքնաթիռը խփվել է թուրքական F-16 կործանիչից արձակված «օդ-օդ» տիպի հրթիռով և ընկել է Սիրիայի տարածքում՝ Թուրքիայի սահմանից 4 կմ հեռու։ Ռուսաստանի նախագահը տեղի ունեցածը «թիկունքից հարված» էր որակել, որն արվել է հօգուտ ահաբեկիչների։-0-