Պետդումայի պատգամավորներն առաջարկում են չեղարկել Արարատը Թուրքիային հանձնած պայմանագիրը
08.02.2016,
16:41
Պետդումայի պատգամավորներ Վալերի Ռաշկինը և Սերգեյ Օբուխովը երկրի ղեկավարությանը և ԱԳՆ–ին նամակ են ուղղել` խնդրելով չեղյալ հայտարարել 1921 թվականի մարտի 16–ին ՌԽՖՍՀ և Թուրքիայի ժողովրդական գերագույն ժողովի կառավարության ստորագրած եղբայրության և բարեկամության Մոսկվայի պայմանագիրը։
![Պետդումայի պատգամավորներն առաջարկում են չեղարկել Արարատը Թուրքիային հանձնած պայմանագիրը Պետդումայի պատգամավորներն առաջարկում են չեղարկել Արարատը Թուրքիային հանձնած պայմանագիրը](/upload/iblock/999/g0qhjuvy3g4x4mojorbkce1ke2h522z1.jpg)
ԵՐԵՎԱՆ, 8 փետրվարի. /Նովոստի–Արմենիա/. Պետդումայի պատգամավորներ Վալերի Ռաշկինը և Սերգեյ Օբուխովը (ՌԴԿԿ խմբակցություն) երկրի ղեկավարությանը և ԱԳՆ–ին նամակ են ուղղել` խնդրելով չեղյալ հայտարարել 1921 թվականի մարտի 16–ին ՌԽՖՍՀ և Թուրքիայի ժողովրդական գերագույն ժողովի կառավարության ստորագրած եղբայրության և բարեկամության Մոսկվայի պայմանագիրը։
Այդ մասին գրում է «Իզվեստիան», ում ձեռքի տակ է գտնվում նամակի տեքստը։
«Մենք պետք է իրավաբանորեն մշակենք մեր երկրի և նրա դաշնակիցների համար ոչ շահավետ բոլոր ռուս–թուրքական համաձայնագրերի վերանայման հավանականությունը։ Անկարան պետք է հասկանա, թե ինչ հետևանք կարող է նրա համար ունենալ հակամարտության լարումը։ Միայն դա կարող է նրան սթափեցնել և հետ պահել նոր սադրանքներից»,– ասել է պարբերականին Օբուխովը, հաղորդում է ՏԱՍՍ–ը։
Իր գործընկերների նախաձեռնությանը կողմ են նաև «Արդար Ռուսաստանում»։ Պետդումայի պատգամավոր Օլեգ Պախոլկովի խոսքով, Մոսկվայի պայմանագիրը ստորագրվել էր ի վնաս Ռուսաստանի շահերի։
Օբուխովը նշել է, որ «անդրկովկասյան երեք հանրապետություններից երկուսը` Վրաստանը և Հայաստանը, չեն ընդունում պայմանագրի պայմանները` այն անարդար համարելով»։ «Պետք է հիշել, որ 1921 թվականին բոլշևիկների իշխանությունը դեռևս բառացիորոն մազից էր կախված` շարունակվում էր օտարերկրյա ինտերվենցիան, քաղաքացիական պատերազմը։ Այդ պայմաններում Խորհրդային Ռուսաստանը չէր կարող ուժ կիրառել և Թուրքիայի վզին փաթաթել պայմանագրի ավելի շահավետ պայմաններ»,– ասում է կոմունիստը։
Պայմանագրի համաձայն, հիշեցնում է պարբերականը, «Կարսի մարզը և նախկին Բաթումի մարզի հարավային մասը (Ռուսական կայսրության կազմում էին 1878 թվականից), ինչպես նաև Էրիվանի նահանգի Սուրմալու գավառն (Ռուսական կայսրությունում էր 1828 թվաիկանից) Արարատ լեռան հետ անցնում էին Թուրքիային»։ -0-
Այդ մասին գրում է «Իզվեստիան», ում ձեռքի տակ է գտնվում նամակի տեքստը։
«Մենք պետք է իրավաբանորեն մշակենք մեր երկրի և նրա դաշնակիցների համար ոչ շահավետ բոլոր ռուս–թուրքական համաձայնագրերի վերանայման հավանականությունը։ Անկարան պետք է հասկանա, թե ինչ հետևանք կարող է նրա համար ունենալ հակամարտության լարումը։ Միայն դա կարող է նրան սթափեցնել և հետ պահել նոր սադրանքներից»,– ասել է պարբերականին Օբուխովը, հաղորդում է ՏԱՍՍ–ը։
Իր գործընկերների նախաձեռնությանը կողմ են նաև «Արդար Ռուսաստանում»։ Պետդումայի պատգամավոր Օլեգ Պախոլկովի խոսքով, Մոսկվայի պայմանագիրը ստորագրվել էր ի վնաս Ռուսաստանի շահերի։
Օբուխովը նշել է, որ «անդրկովկասյան երեք հանրապետություններից երկուսը` Վրաստանը և Հայաստանը, չեն ընդունում պայմանագրի պայմանները` այն անարդար համարելով»։ «Պետք է հիշել, որ 1921 թվականին բոլշևիկների իշխանությունը դեռևս բառացիորոն մազից էր կախված` շարունակվում էր օտարերկրյա ինտերվենցիան, քաղաքացիական պատերազմը։ Այդ պայմաններում Խորհրդային Ռուսաստանը չէր կարող ուժ կիրառել և Թուրքիայի վզին փաթաթել պայմանագրի ավելի շահավետ պայմաններ»,– ասում է կոմունիստը։
Պայմանագրի համաձայն, հիշեցնում է պարբերականը, «Կարսի մարզը և նախկին Բաթումի մարզի հարավային մասը (Ռուսական կայսրության կազմում էին 1878 թվականից), ինչպես նաև Էրիվանի նահանգի Սուրմալու գավառն (Ռուսական կայսրությունում էր 1828 թվաիկանից) Արարատ լեռան հետ անցնում էին Թուրքիային»։ -0-