«Հարավկովկասյան երկաթուղի» ՓԲԸ-ում մայիսի 10-ից մեկնարկել է Աշխատանքի անվտանգության ապահովման միամսյակը է գարնանային զննման ժամանակ աշխատանքի անվտանգության ապահովության նորմերի թերությունների և խախտումների բացահայտման կապակցությամբ, երեքշաբթի հաղորդում է «ՀԿԵ» ՓԲԸ-ի մամուլի ծառայությունը:
«Միամսյակի ժամանակ կանցկացվեն աշխատանքի անվտանգության ամենօրյա ստուգումներ, անվտանգության նորմերի կատարման ստուգումներ, կիրակամացվեն չնախատեսված հրահանգներ, ինչպես նաև չնախատեսված ստուգումներ», - նշվում է հաղորդագրության մեջ:
Ամեն շաբաթ սելեկտորային խորհրդակցություն է անցնելու ՀԿԵ-ի գլխավոր ինժեներ Սերգեյ Հարությունյանի մոտ:
Մամուլի հաղորդագրության համաձայն, խախտումներ թույլ տված ստորաբաժանումների պետերը կենթարկվեն կարգապահական պատասխանատվության՝ ընդհուպ մինչև զբաղեցրած պաշտոնից ազատումը:
«ՀԿԵ» ՓԲԸ-ն հանդիսանում է «Ռուսական երկաթուղիներ» ԲԲԸ-ի 100% դուստր ընկերությունը և իրականացնում է «Հայկական երկաթուղու» կոնցեսիոն կառավարումը: Համաձայն 2008թ.-ի փետրվարի 13-ին Երևանում կնքված պայմանագրի, կոնցեսիոն կառավարման ժամկետը կազմում է 30 տարի, կողմերի փոխադարձ համաձայնությամբ ևս 10 տարի երկարացման իրավունքով:--0-