485.33
+0.37
572.16
-1.31
8.2
-0.02
-3
Եղանակը Երևանում
Հայ
ԿԱՅԾԱԿ «ԱՄԻ Նովոստի–Արմենիա». երկու տարի վերագործարկումից հետո. ի՞նչ է արվել և դեռ ի՞նչ ենք ուզում անել
Ի՞նչ անել «Երջանկության նամակների» հետ
11:35
02 Նոյեմբերի 2017

ԵՐԵՎԱՆ, 2 նոյեմբերի․ /Նովոստի Արմենիա/․ Այսպես կոչված «երջանկության նամակները» կամ «սուրբ նամակներն» աշխարհի նման հին են։

Իմացող մարդիկ ասում են, որ «երջանկության նամակներ» գրելն ու բազում անգամներ վերարտագրելն իր արմատներով գնում է դեպի Արևելքի և Եվրոպայի հին անցյալ։ Ընդամենը մի քանի տասնյակ տարի առաջ նման նամակներ գտնում էին փոստային արկղերում, իսկ այսօր դրանք գալիս են էլեկտրոնային փոստով։ Ընդ որում փոխվել է ոչ միայն նամակների առաքման եղանակը, այլև դրանց բովանդակությունը։ Թվում է, թե «երջանկության նամակներն» անվնաս են, սակայն դրանք իրականում դարձել են խաբեության և հեշտությամբ գումար կորզելու միջոց։ «Նովոստի Արմենիա» գործակալությունը փորձել է պարզել, թե ինչպես պետք է վարվել նման նամակ ստանալու դեպքում։

Վտանգավոր պրակտիկա

Кошелек Письма счастья

Էլեկտրոնային «Երջանկության նամակը» խարդախության ամենավտանգավոր դրսևորումներից է։ Ժամանակի ընթացքում այս երևույթը զարգացում է ապրել, այսօր գլոբալացման և համակարգչային նոր տեխնոլոգիաների դարաշրջանում ամենատարբեր սպամերները «էլեկտրոնային աղբ» տարածելու համար սկսել են ուղարկել նմանօրինակ նամակներ։ Նույն եղանակը օգտագործում են նաև հաքերները` վիրուսներ և վնասակար ու վտանգավոր այլ ծրագրեր տարածելու համար։

Որպես կանոն, նման նամակներում «արտագրողի» դերը կատարում է հենց վնասակար ծրագիրը։ Իհարկե,  օգտատերերի մեծ մասն անտեսում է անծանոթ հասցեներից եկած նամակները։ Այդուհանդերձ, նամակների որոշ մասն ամեն դեպքում հասնում է իր նպատակին. անզգույշ կամ անփորձ օգտատերը բացում է հավելվածը, և վնասակար ծրագիրը հնարավորություն է ստանում ուղարկել իր օրինակները համակարգչում եղած բազմաթիվ հասցեներով։ Այնպես որ, եթե ձեզ «բախտ է վիճակվել» ստանալ «երջանկության նամակ», առանց բացելու և կարդալու ջնջեք այն։

«Երջանկության նամակների» մեկ այլ տեսակը հայտնում է օգտատերերին, որ իրենց էլեկտրոնային հասցեն մեծ գումար է շահել ինչ–որ միջազգային e-mail վիճակախաղում։ Նման նամակներում գումարի չափը, արժույթը, կազմակերպությունները կարող են տարբեր լինել, սակայն շարունակությունը միշտ նույնն է. ստացողին առաջարկում են լրացնել հարցաթերթիկ` նշելով անունը, հասցեն, ընտանեկան կարգավիճակը, տարիքը, սեռը, քաղաքացիություն, բնակության երկիրը, բջջային հեռախոսահամարը, վճարման եղանակը, e-mail–ը և անձնական այլ տվյալներ։ Այդ ամենը պետք է ուղարկել նամակում նշված հասցեով։ 

Кошелек Письма счастья

Եթե «երջանիկը», ցանկանալով ստանալ իր շահումը, պատասխանի կազմակերպիչներին, ապա շուտով կստանա մեկ այլ նամակ, որում առաջարկվում է լրացնել հաջորդ փուլի հարցաթերթիկը, ինչպես նաև նշված հաշվեհամարին ուղարկել որոշ գումար։ Ինչպես նշում են կազմակերպիչները, այդ գումարն անհրաժեշտ է կազմակերպչական որոշ ծախսեր հոգալու համար` ապահովագրություն, օրինականացում, սուրհանդակի ծախսեր և այլն։

Այս փուլն անցաց օգտատերերը նամակ են ստանում այն մասին, որ վիճակահանության անցկացման երկրի օրենքներով անհրաժեշտ է հարկ վճարել։ Հետագայում ևս վճարումների անհրաժեշտության մասին վկայող նամակներ կգան։ Այս ամենը կշարունակվի մինչև «երջանիկը» մի կլորիկ գումար վճարի կազմակերպիչներին, ինչից հետո վիճակախաղի կազմակերպիչները կամ ավելի ճիշտ խաբեբաները կանհետանան։

Այսպիսով, նման նամակները պարզապես սփամ չեն։ Սա խաբեության ավելի բարձր մակարդակ է, որտեղ բանկային ռեկվիզիտները, հեղինակավոր ինչ–որ երկրում կազմակերպված ազգային վիճակահանությունը և ֆինանսական տերմինաբանությունն  այդ խաբեությանը հաղորդում են բավականին ծանրակշիռ և ճշմարտացի տեսք։ Չնայած էությունը մնում է նույնը` ֆինանսական խաբեություն։ Միջազգային օգտագործման մեջ այսպիսի խաբեությունն անվանում են Internet-Scam (ինտերնետային ժուլիկություն)։

Սեփական ուսումնասիրությունը կատարած փաստաբանները խորհուրդ են տալիս քաղաքացիներին անհապաղ ջնջել նման նամակները ու ոչ մի դեպքում չտալ բանկային ռեկվիզիտները և անձնական այլ տվյալներ` խարդախների հերթական զոհը չդառնալու համար։

Նիգերիական «երջանկության նամակները»

Кошелек нигирийские Письма счастья

«Երջանկության նամակների» հաջորդ տեսակն այսպես կոչված նիգերիական նամակներն են, որոնք համացանցում իրականացվող խաբեության առավել շատ տարածված ձևերից են։ Վաղուց գոյություն ունի այս հանցագործության հատուկ անգլերեն եզրույթը` «nigerian scam 419»` նիգերիական խարդախություն։ Այն կոչվում է նաև «prepaid fraud»` խարդախություն կանխավճարով։ Էլեկտրոնային փոստով գալիս է ծանուցում խոշոր գումար կամ արժեքավոր բեռ ստանալու հնարավորության մասին։ Մարդը կարող է մի պահ հավատալ և ուղարկել ոչ մեծ գումար` հույս ունենալով դրա դիմաց ստանալ ինչ–որ մեծ բան։ Հենց սա է խարդախի հիմնական խնդիրը. համոզել մարդուն, որ նա կստանա զգալի միջնորդավճար։

Երբեմն մարդիկ, մեկ անգամ գումար փոխանցելով, շարունակում են փոխանցել`չցանկանալով ընդունել, որ իրենց դաժանորեն խաբել են։ Այս ամենը կարող է հասնել նրան, որ գումարը փոխանցվում է հարազատներից և մտերիմներից գաղտնի, ինչի հետևանքով կորուստը կարող է ահռելի լինել։

Բացահայտ մանիպուլյացիա

Кошелек Письма счастья

Մի հարց է ծագում. ինչու՞ մինչև հիմա կան մարդիկ, ովքեր նախկինի պես հավատում են նման նամակների։ Կա մի քանի պատճառ։

Առաջինը, խարդախները շատ լավ պատրաստված են և տեխնիկապես զինված։ Հաճախ աշխատում են թիմում` օգտագործելով պոտենցիալ զոհի վրա ազդելու տարատեսակ հնարքներ և մեթոդներ։ Թիմում ամեն մեկն ունի իր պարտավորությունները և խնդիրները։ Նրանք ունեն տարբեր ընկերություններին, բանկերին, հաստատություններին պատկանող իսկական բլանկեր և կնիքներ։ Որպես կանոն, դրանք բոլորը նախորդ զոհերի կողմից կամավոր ուղարկված փաստաթղթերի պատճեններն ու բնօրինակներն են։

Երկրորդը, նրանց նամակները հնարամիտ են և գրավիչ` անհավանական ողբերգական պատմություններով, գրված որդիների, կանանց, դստրերի և փաստաբանների անունից Աֆրիկաներում, Մերձավոր Արևելքում կամ անկայուն քաղաքական իրավիճակով այլ երկրներում գրանցված ռազմական հեղաշրջումների, զանգվածային անկարգությունների մասին։ Ընդ որում, իրադարձությունների աշխարհագրությունը կարող է փոխվել։

Նամակներում կարող է նաև նշվել, որ դուք շահել եք green card` մշտական բնակության հնարավորություն կամ շահել եք վիճակախաղում, ինչ–որ ակցիայում, որոնց դուք իսկապես մասնակցել եք` լրացնելով հարցաթերթիկ, թողնելով հեռախոսահամար կամ e-mail։

Кошелек Письма счастья

Ւ դեպ, ձեզ կարող են անգամ զանգահարել  և տեղեկացնել, որ դուք շահել եք, սակայն շահումը ստանալու համար պետք է որոշակի գումար վճարեք։ Խարդախության այս ձևը շատ տարածված էր ԱՊՀ բազմաթիվ երկրներում։ Ընդհանրապես խարդախության ձևերը բազմաթիվ են ինչպես համացանցում, այնպես էլ դրանից դուրս։

Պարզապես ջնջեք

Ինչպե՞ս խուսափել հնարամիտ խարդախների ծուղակներից, և ի՞նչ անել «երջանկության նամակների» հետ։ Ամենապարզ և հուսալի միջոցն է արագ ջնջել նման նամակները` անգամ չկարդալով դրանք, չներբեռնելով կցված ֆայլերը, որոնք կարող են «անակնկալ» մատուցել վնասակար վիրուսների տեսքով։ Իրական կյանքում կան բազմաթիվ օրինակներ, երբ օգտատերերը ստիպված են եղել թանկ վճարել հասարակ հետաքրքրասիրության պատճառով` ծախսելով ջանք և ժամանակ համակարգիչը «կարգի բերելու» համար։–0–

Loading...
Թեմատիկ նյութեր
Բաժնի այլ նյութեր
11:32
06 Դեկտեմբերի 2017
Ինչպես՞ գումար վաստակել Ամանորի տոներին. 5 բիզնես գաղափար
Նոր տարվա նախաշեմը ու ձմեռային արձակուրդները լավ ժամանակահատված են սեփական գործը սկսելու ու լավ գումար աշխատելու համար։
12:43
01 Դեկտեմբերի 2017
Ինչպե՞ս դիմակայել հեռախոսային խարդախներին
Բջջային կապի շնորհիվ այսօր կարելի է շատ հարցեր լուծել տնից` վճարումներ կատարել, պատվիրել ապրանքներ և ծառայություններ, ինչպես նաև առցանց ռեժիմով կառավարել բանկային հաշիվները։
12:36
24 Նոյեմբերի 2017
Հայկական ասացվածքներ փողի մասին
Աշխարհի բոլոր ժողովուրդներն ունեն բազմաթիվ ասացվածքներ փողի և դրա նկատմամբ վերաբերմունքի մասին։
18:29
22 Նոյեմբերի 2017
Կենտրոնական բանկը ներկայացրել է նոր կոմպոզիտային թղթադրամները
Հայկական դրամը շրջանառության մեջ ներդնելու օրվա կապակցությամբ ՀՀ Կենտրոնական բանկը ներկայացրել է երրորդ սերնդի կոմպոզիտային թղթադրամների էսքիզները։
13:44
22 Նոյեմբերի 2017
Թեստ. ստուգեք ձեր գիտելիքները ֆինանսական ոլորտում
Բանկային աշխատակցիի օրվա կապակցությամբ, որը Հայաստանում նշվում է նոյեմբերի 22–ին արդեն 14 տարի, ինչպես նաև հայկական դրամի` շրջանառության մեջ դրվելու 24–ամյակի կապակցությամբ «Նովոստի–Արմենիա» գործակալությունը ներկայացնում է հերթական թեստն ու առաջարկում իր ընթերցողներին ստուգել, թե որքան են նրանք առաջադիմել ֆինանսական կրթության ոլորտում։
14:16
21 Նոյեմբերի 2017
Թեստ. գուշակեք արժույթը երկրի դրոշով
Հայկական դրամի` շրջանառության մեջ դրվելու 24–ամյակի նախաշեմին «Նովոստի–Արմենիա» գործակալությունն առաջարկում է իր ընթերցողներին անցնել թեստ և գուշակել երկրի դրամական միավորը տվյալ երկրի պետական դրոշով։
14:44
15 Նոյեմբերի 2017
Որտեղի՞ց գումար հայթհայթել նախագծի համար կամ ի՞նչ է crowdfunding–ը
Եթե դուք ունեք հետաքրքիր բիզնես նախագիծ, սակայն գումարը չի բավարարում, օգնության կհասնի crowdfunding–ը, ինչն անգլերենից թարգմանաբար նշանակում է «ֆինանսավորում ամբոխի կողմից»։
13:13
09 Նոյեմբերի 2017
Բյուջեն սկսնակների համար
Բյուջեն պետության տարեկան եկամուտների և ծախսերի կոնկրետ ծրագիրն է։ Հենց բյուջեն է օգնում հնարավորինս արդյունավետ բաշխել ռեսուրսներն ըստ ժամանակի։
20:32
07 Նոյեմբերի 2017
Ի՞նչ գիտեք Հայաստանում պարենային զամբյուղի մասին
Պարենային զամբյուղը մարդուն մեկ ամսվա համար անհրաժեշտ մթերքի հավաքածուն է։
10:35
31 Հոկտեմբերի 2017
Խնայողությունների համաշխարհային օր. ի՞նչ տոն է այն
Հոկտեմբերի վերջին օրն աշխարհի տարբեր երկրներում նշվում է Խնայողությունների համաշխարհային օրը։
14:05
24 Հոկտեմբերի 2017
ԹԵՍՏ. Ինչպիսի՞ անձնավորություն եք դուք` խնայո՞ղ, թե՞ վատնող
Խնայողությունների միջազգային օրը, որի հիմնադիրների մտահղացմամբ այդ օրը նվիրված է ոչ միայն գումարի խնայողությանը, այլև առօրյա կյանքում մեզ շրջապատող ամեն ինչի նկատմամբ հոգատար վերաբերմունքին։ Խնայողության օրվա նախաշեմին «Նովոստի–Արմենիա» գործակալությունն առաջարկում է իր ընթերցողներին անցնել թեստ, որը կօգնի բացահայտել` արդյոք դուք խնայո՞ղ մարդ եք, թե՞ նախընտրում եք ապրել մեկ օրով։
11:28
23 Հոկտեմբերի 2017
ABBYY-ի հիմնադիր Դավիթ Յանը ներկայացրել է իր հաջողության բանաձևը Երևանում
«Այբ» կրթական հիմնադրամի համահիմնադիր, գործարար Դավիթ Յանը ներկայացրել է հաջող ստարտափի և բիզնեսի առաջխաղացման սեփական բանաձևը։