544.32
7.6
477.81
+31
Եղանակը Երևանում
Հայ

Հայկական մշակույթի օրերը Մոսկվայում. մեկնարկել է միջոցառումների շարքը` կազմակերպված «Armenian Assembly» ՀԿ–ի կողմից (ՖՈՏՈ)

11:23
29 Մայիսի 2019

ԵՐԵՎԱՆ, 29 մայիսի./Նովոստի–Արմենիա/. «Armenian Assembly» հասարակական կազմակերպությունը ՌԴ-ում Հայաստանի Հանրապետության դեսպանության, ինչպես նաև Ռուսաստանի ու Նոր Նախիջևանի Հայ առաքելական եկեղեցու թեմի մասնակցությամբ և աջակցությամբ սույն թվականի մայիսի 27-ից հունիսի 1-ն անցկացնում է Հայկական մշակույթի օրերը Մոսկվայում: 

Մոսկվայում Հայկական մշակույթի օրերի հանդիսավոր բացումն ազդարարվեց Պ. Չայկովսկու անվան Մոսկվայի կոնսերվատորիայի համերգային դահլիճում կազմակերպված՝ մաեստրո Տիգրան Մանսուրյանի 80-ամյակին նվիրված հոբելյանական հեղինակային երեկույթով: Տիգրան Մանսուրյանը ստեղծագործում է տարբեր երաժշտական ժանրերում, նա հայկական կինոֆիլմերի համար գրված սիրված մեղեդիների հեղինակ է: 

Համերգին մասնակցում էին «Musica Viva» կամերային նվագախումբը Ալեքսանդր Ռուդինի ղեկավարությամբ, Տուլայի պետական երգչախումբը Ալեքսանդր Սոլովյովի ղեկավարությամբ, “Questa Musica” երգչախումբը, ինչպես նաև հանրահայտ երաժիշտներ Սերգեյ Պոլտավսկին (ալտ), Պավել Դոմբրովսկին (դաշնամուր), Մարիամ Ավետիսյանը (սոպրանո)։ 

Дни культуры

Տոնական համերգի պատվավոր հյուրերն էին «Armenian Assembly»-ի Կանանց նախաձեռնությունների կոմիտեի անդամներ Իրինա Պոչիտայևան, Ելենա Ծատուրովան, Արմինե Ղազարյանը, Նորարար տեխնոլոգիաների և գիտության կոմիտեի անդամ Սերգեյ Ազատյանը, լիբանանահայ գործարար, «Մայրիգ» ռեստորանների ցանցի սեփականատեր Ալին Կամակյանը և GOURMET FEST գաստրոնոմիկ միջոցառմանը հրավիրված ռեստորանային ոլորտի ներկայացուցիչներ, ինչպես նաև Հայաստանից և այլ երկրներից ժամանած, Հայկական մշակույթի օրերի միջոցառումների մասնակիցներ: 

Մոսկվայում Հայկական մշակույթի օրերի շրջանակում նախատեսված են բազմաթիվ միջոցառումներ։ Նախօրեին տեղի է ունեցել «Armenian Assembly» ՀԿ-ի նախագահության խորհրդի նիստ. նիստի ընթացքում մասնակիցները ամփոփեցին «Armenian Assembly»-ի 2018-2019 թթ. գործունեության արդյունքներն ու քննարկեցին հաջորդ՝ 2019-2020 թթ.-ի նպատակներն ու ծրագրերը․ Armenia Guide զբոսաշրջային պորտալի և Հայ Առաքելական Եկեղեցու միասնական էլեկտրոնային հարթակի զարգացումը, GOURMET FEST խոշոր գաստրոնոմիկ միջոցառման մեկնարկը, տարածաշրջանային կրթական կենտրոնների բացումը և մշակույթի, նորարար տեխնոլոգիաների և սպորտի ոլորտներում այլ նախաձեռնություններ: 

Նախօրեին կազմակերպվել է նաև GOURMET FEST յուրօրինակ գաստրոնոմիկ միջոցառում, որի նպատակը հայկական խոհանոցի ճանաչելության ապահովումն է ամբողջ աշխարհում: Առաջին անգամ Միշլեն աստղ ունեցող ռեստորանների երկու հայտնի շեֆ-խոհարարներ Կարեն Թորոսյանի (Bozar ռեստորան, Բրյուսել, Բելգիա) և Ստեֆանո Չիոտիի (Nostrano ռեստորան, Պեզարո, Իտալիա) ղեկավարությամբ և Հայաստանի առաջատար ռեստորանների խոհարարների հետ համատեղ (Չինար,The Club, Մայրիգ, Լավաշ) կստեղծվի հատուկ ճաշացանկ՝ առանձնահատուկ ֆյուժն՝ հայկական ավանդական և բարձր խոհանոցի համադրությամբ՝ հիմնված հայկական խոհարարական ավանդույթների և եվրոպական խոհանոցի տեխնիկաների վրա: 

Дни культуры

Այսօր` մայիսի 29–ին, նախատեսվում է «Armenian Assembly» ՀԿ-ի Նորարար տեխնոլոգիաների և գիտության կոմիտեի ներկայացուցիչների հանդիպումը: Կոմիտեի հիմնական նպատակը ՏՏ ոլորտում սոցիալ-ձեռնարկատիրական և գիտական նախագծերի մշակումն ու զարգացումն է, որոնք կնպաստեն ազգային ինքնության, լեզվի և մշակույթի, համայնքների ամրապնդմանն ու զբոսարջության զարգացմանը Հայաստանում: Հանդիպման ընթացքում Նորարար տեխնոլոգինաերի և գիտւթյան կոմիտեի անդամներ Սերգեյ Ասլանյանը, Սերգեյ Ազատյանը, Կարեն Միրզոյանը, Ստեփան Չիտիպահովյանը, Սամվել Լազարյանը և Նոբել Արուստամյանը կքննարկեն և կսահմանեն «Armenian Assembly»-ի տեսանկյունից հեռանկարային նախաձեռնությունները 2019-2020թթ. համար: 

Իսկ մայիսի 30–ին Մոսկվայում Հայկական մշակույթի օրերի շրջանակում «Armenian Assembly»-ն, ի պատիվ Լազարևների տոհմի 300-ամյակի, կիրականացնի ՌԴ-ում ՀՀ դեսպանատան վերակառուցված Հյուպատոսական բաժնի բացման հանդիսավոր արարողությունը: Վերակառուցված Հյուպատոսական բաժնի բացմանը ներկա կլինեն ՌԴ-ում ՀՀ դեսպան Վարդան Տոգանյանը, ՌԴ-ում ՀՀ հյուպատոս Արա Մնացականյանը, ինչպես նաև «Armenian Assembly»-ի անդամներ: 

Дни культуры

Հայկական մշակույթի օրերի միջոցառումների շարքը կամփոփվի հունիսի 1-ին՝ Տրետյակովի պետական պատկերասրահում ՌԴ-ում ՀՀ դեսպանատան կողմից կազմակերպված հայ մուլտիպլիկատորների՝ Հովհաննես Թումանյանի հեքիաթների մոտիվներով ստեղծված մուլտֆիլմերի ցուցադրությամբ՝ նվիրված Երեխաների պաշտպանության միջազգային օրվան: 

«Armenian Assembly» ՀԿ-ն և Մոսկվայում Հայկական մշակույթի օրերի կազմակերպիչները լիահույս են, որ իրականացվող միջոցառումները հայկական սփյուռքի ներկայացուցիչների, ինչպես նաև սփյուռքից դուրս հաջողակ և հեղինակություն ունեցող մարդկանց միջև կապերի ամրապնդման հարթակ կդառնան, միաժամանակ կնպաստեն Հայաստանի իմիջի բարձրացմանը, ազգային ինքության պահպանմանը, բազմադարյան մշակույթի և հնագույն լեզվի հանրահռչակմանը: 

«Armenian Assembly» հասարակական կազմակերպություն է, որի նպատակը Հայաստանում և Սփյուռում մշակույթի, կրթության, զբոսաշրջության և տեղեկատվական տեխնոլոգիաների ոլորտներում սոցիալ-ձեռնարկատիրական նախագծերի աջակցությունն ու իրականացումն է: 

«Armenian Assembly» իր ակտիվ գործունեության առաջին տարվա ընթացքում իրականացրել և աջակցել է մշակութային, կրթական, կրոնական-լուսավորչական, զբոսաշրջային և այլ նախագծեր:–0–

Թեմատիկ նյութեր
Բաժնի այլ նյութեր
16:57
22 Հունիսի 2019
Վալերի Գերգիևը պատմել է իր կարիերայի ճակատագրական «հայկական հետքի» մասին (ՎԻԴԵՈ)
Հայտնի ռեժիսոր Վալերի Գերգիևը «Երեկոյան Ուրգանտ» ծրագրի եթերում կիսվել է Հայաստանում իր աշխատանքի տպավորություններով:
11:17
18 Հունիսի 2019
Եվս մեկ հայ. երգիչ ARS-N–ը միացել է Black Star–ին (ՎԻԴԵՈ)
Black Star պրոդյուսերական թիմին միացել է «Песня на ТНТ» շոուի մասնակից, երգիչ ARS-N – ը։
21:07
17 Հունիսի 2019
A’Studio հայտնի խումբը համերգ կտա Երևանում
Ռուսական A’Studio հայտնի խումբը կժամանի Երևան։

13:38
17 Հունիսի 2019
Անուշ Էլբակյանը կրկին արժանացել է Emmy Award հեղինակավոր ամերիկյան մրցանակին
«Boston Globe» հրատարակության պրոդյուսեր և լրագրող Անուշ Էլբակյանը կրկին արժանացել է Ամերիկյան ազգային հեռուստատեսային ակադեմիայի Emmy Award բարձրագույն մրցանակին։
21:15
16 Հունիսի 2019
Վավերագրական ֆիլմ է նկարահանվում մեծ մեկենաս և գործարար Լևոն Հայրապետյանի մասին
Հիշեցնենք, որ Հայրապետյանը մահացել է 2017 թվականին Մորդովիայի բանտում:
16:52
04 Հունիսի 2019
Հրապարակվել է «Առյուծ արքան» ֆիլմի հերթական թիզերը` Բեյոնսեի հնչյունավորմամբ (ՖՈՏՈ,ՎԻԴԵՈ)
Հրապարակվել է «Առյուծ արքան» ֆիլմի հերթական թիզերը` Բեյոնսեի հնչյունավորմամբ։
12:55
01 Հունիսի 2019
Շանհայում կկայանա Արամ Խաչատրյանի «Սուսերով պարի» մասին պատմող ֆիլմի համաշխարհային պրեմիերան (ՎԻԴԵՈ)
Շանհայում կկայանա Արամ Խաչատրյանի գլուխգործոցի`«Սուսերով պարի» մասին պատմող ֆիլմի համաշխարհային պրեմիերան:
11:15
28 Մայիսի 2019
Ռուսական «Ты супер!» շոուի ֆինալիստը փայլուն կատարել է Առնո Բաբաջանյանի երգը (ՎԻԴԵՈ)
Ռուս մասնակիցը փայլուն կերպով կատարել է Առնո Բաբաջանյանի երաժշտության հիման վրա գրված «Твои следы» երգը:
13:39
27 Մայիսի 2019
Քիմ Քարդաշյանը նկարահանվել է Փերիս Հիլթոնի պրովոկացիոն տեսահոլովակում (ՎԻԴԵՈ)
Քիմ Քարդաշյանը նկարահանվել է Փերիս Հիլթոնի պրովոկացիոն տեսահոլովակում:
10:52
27 Մայիսի 2019
Ալսուի դուստր Միկելլա Աբրամովան առաջին անգամ մեկնաբանել է «Ձայնը.Երեխաներ» շոուի եզրափակիչը
Երգչուհի Ալսուի դուստր Միկելլա Աբրամովան Instagram-ի իր էջում մեկնաբանել է «Ձայնը.Երեխաներ» վեցերորդ եթերաշրջանի եզրափակիչը:
16:33
26 Մայիսի 2019
Թիմատին սկսել է մտածել լիամետրաժ կինոյի մասին Հայաստանում նկարահանած տեսահոլովակի հաջողությունից հետո (ՎԻԴԵՈ)
Զուգերգը, որի նկարահանումներն իրականացվել են Հայաստանում, մեկ օրում ավելի քան 2 մլն դիտում է հավաքել:
15:17
26 Մայիսի 2019
Երեք հայ երաժիշտներ հայտնվել են աշխարհի լավագույն ջութակահարների թոփ-30-ում
Արդիականության ամենաականավոր ջութակահարների վարկանիշը կազմվել է դասական երաժշտություն սիրող մի քանի հազար օգտատերերի քվեարկության արդյունքներով: