Երեք հայ երաժիշտներ հայտնվել են աշխարհի լավագույն ջութակահարների թոփ-30-ում

ԵՐԵՎԱՆ, 26 մայիսի. /Նովոստի-Արմենիա/. Աշխարհահռչակ երաժիշտներ Սամվել Երվինյանը, Սերգեյ Խաչատրյանը, ինչպես նաև Արա Մալիկյանը (Իսպանիա) ընդգրկվել են աշխարհի` ներկայում ապրող լավագույն ջութակահարների թոփ-30-ում, հայտնում է Культура-ВРН կայքը:

Ranker պորտալի հրապարակած ցուցակում է նաև ռուսաստանցի հայտնի դիրիժոր, վիրտուոզ ջութակահար Վլադիմիր Սպիվակովը:

Արդիականության ամենաականավոր ջութակահարների վարկանիշը կազմվել է դասական երաժշտություն սիրող մի քանի հազար օգտատերերի քվեարկության արդյունքներով:

 Առաջին հինգ հորիզոնականներում են` Իցհակ Փերլմանը (ԱՄՆ-Իսրայել), Հիլարի Խանը (ԱՄՆ), Մաքսիմ Վենգերովը (Ռուսաստան-Իսրայել), Դևիդ Գարեթը (Գերմանիա) և Աննե Սոֆի Մուտերը (Գերմանիա):--0--