ԵՐԵՎԱՆ, 29 սեպտեմբերի. /Նովոստի–Արմենիա/. Հայ ռեժիսոր Ջիվան Ավետիսյանի «Վերջին բնակիչը» ֆիլմը լավագույնն է ճանաչվել Scandinavian International Film Festival փառատոնում։ Այդ մասին հաղորդվում է ֆիլմի ստեղծողների Facebook–ի էջում։
Ֆիլմը հաղթանակ է տարել «Լավագույն գեղարվեստական ֆիլմ» անվանակարգում։
Փառատոնը մեկնարկում է հոկտեմբերի 25–ին, իսկ ֆիլմը կցուցադրվի 28–ին` որպես փակման ֆիլմ։
Загружается новость ...
"Право"
Ֆիլմն առաջադրվել է 2017թ. «Ոսկե Գլոբուս» մրցանակաբաշխությանը՝ լավագույն «Օտարալեզու ֆիլմ» անվանակարգում, որին ներկայացված է եղել 65 ֆիլմ։ Այդ առիթով էլ, Լոս Անջելեսի առաջատար հյուրանոցներից՝ «Four Seasons Hotel»-ում կայացել է ֆիլմի փակ ցուցադրությունը։
Հայ-ադրբեջանական հակամարտության արդյունքում տեղահան եղած հայկական գյուղում, օրեցօր սեղմվող թշնամական օղակում մնում է Աբգարը՝ մեն-մենակ: Նա սպասում է իր աղջկան, ով ականատես է եղել գազազած ամբոխի կողմից ամուսնու սպանությանը և հոգեկան խանգարումով հայտնվել է հիվանդանոցում: Ադրբեջանցի Իբրահիմը, Աբգարի աղջկան գտնելու, բերելու դիմաց, նրան առաջարկում է աշխատել մզկիթի կառուցման վրա: Իբրահիմն օրեր անց Բաքվի հոգեբուժարաններից մեկում գտնում և բերում է աղջկան՝ Յուրգային:
«Վերջին բնակիչը» Ջիվան Ավետիսյանի երկրորդ ֆիլմն է։ -0-
