ԵՐԵՎԱՆ, 20 նոյեմբերի. /Նովոստի Արմենիա/. Հայ ռեժիսոր Ջիվան Ավետիսյանի «Վերջին բնակիչը» ֆիլմը լավագույնն է ճանաչվել Տորոնտոյում անցկացված Pomegranate Film Festival 2017 կինոփառատոնում, նշվում է փառատոնի Facebook–յան էջում։
Загружается новость ... "Лево"
Համազգային հայ կրթական և մշակութային միության կողմից կազմակերպված փառատոնն անցկացվել է նոյեմբերի 15–ից 19–ը։
Ինչպես նշել է ռեժիսորը, ֆիլմն արդեն ներկայացվել է աշխարհի տարբեր փառատոներում։
«Սակայն այսքան հայ հանդիսատես ունենալն ամբողջովին այլ զգացողություն է», – նշել է Ավետիսյանը։
Ֆիլմը պատմում է հայ-ադրբեջանական հակամարտության հետևանքով տեղահան եղած հայկական գյուղում մեն–մենակ մնացած Աբգարի մասին, ով սպասում է իր աղջկան։ Վերջինս ականատես է եղել գազազած ամբոխի կողմից ամուսնու սպանությանը և հոգեկան խանգարումով հայտնվել է հիվանդանոցում: Ադրբեջանցի Իբրահիմը, Աբգարի աղջկան գտնելու, բերելու դիմաց, նրան առաջարկում է աշխատել մզկիթի կառուցման վրա: Իբրահիմն օրեր անց Բաքվի հոգեբուժարաններից մեկում գտնում և բերում է աղջկան՝ Յուրգային:
«Վերջին բնակիչը» Ջիվան Ավետիսյանի երկրորդ ֆիլմն է։ -0-
