+7
Եղանակը Երևանում
Հայ

Մեդվեդևը հուսով է, որ ԵԱՄՖ-2011-ը ներդրում կկատարի միջազգային համագործակցության զարգացման գործում

11:02
21 Նոյեմբերի 2011

ՌԴ նախագահ Դմիտրի Մեդվեդևը հուսով է, որ Եվրոպական և ասիական մեդիաների ֆորումի (ԵԱՄՖ-2011) նախաձեռնություններն ու նոր գաղափարները պահանջված կդառնան և էական ներդրում կկատարեն միջազգային հումանիտար համագործակցության զարգացման գործում, հաղորդում է ՌԻԱ Նովոստին:

Երկուշաբթի ֆորումի բացման արարողության շրջանակներում ՌԴ նախագահի ողջույնի խոսքն ընթերցել է ՌԴ կապի և զանգվածային հեռահաղորդակցության փոխնախարար Ալեքսեյ Մալինինը:

«Հուսով եմ, որ ձեր ֆորումի նախաձեռնությունները պահանջված կլինեն գործնականում և էական ներդրում կկատարեն միջազգային հումանիտար զարգացման գործում: Մաղթում եմ ձեզ արդյունավետ բանավեճ և ամենայն բարիք», - նշվում է ՌԴ նախագահի ողջույնի խոսքում:

Մեդվեդևը նշել է, որ այժմ հեռահաղորդակցությունների և նոր տեխնոլոգիաների բուռն զարգացման պայմաններում ԶԼՄ-ների լսարանը էականորեն ավելացել է, այդ թվում նաև երիտասարդ սերնդի հաշվին, աճում է ինտերնետ-հրատարակությունների թիվը, բլոգերի հանրաճանաչությունը:

«Ավելի մեծ նշանակություն է ձեռք բերում լրագրողի աշխատանքի օպերատիվությունը: Կարևոր է, որպեսզի գլխավոր մասնագիտական չափորոշիչները ԶԼՄ-ների համար լինեն տեղեկատվության հստակությունն ու օբյեկտիվությունը: Եվ, իհարկե, ժամանակակից լրագրողները պետք է լայն մտահորիզոն ունենան՝ իրենց աշխատանքում ղեկավարվելով հանդուրժողականության և տարբեր ժողովուրդների ավանդույթների նկատմամբ հարգալից վերաբերմունքի սկզբունքներով», - նշել է ՌԴ նախագահը:

Նա ողջունել է ֆորումի բոլոր մասնակիցներին, «որն այս տարի անցկացվում է մեր բարեկամ Ղազախստանի մայրաքաղաք Աստանայում» և մաղթել է արդյունավետ բանավեճ:
Եվրոպական և ասիական մեդիաների վեցերորդ  ֆորումը, որի անփոխարինելի կազմակերպիչը «ՌԻԱ Նովոստի» մեդիահոլդինգն է, անցնում է Աստանայում նոյեմբերի 21-22-ը՝ «Անկախության 20 տարի. ԶԼՄ-ներն ու հասարակությունը» նշանաբանի ներքո:

Ֆորումին կմասնակցեն ԱՊՀ, Բալթյան երկրների և Վրաստանի ԶԼՄ-ների ավելի քան 250 ներկայացուցիչներ, այդ թվում՝ ԶԼՄ-ների ղեկավարներ և հետխորհրդային տարածքի մեդիաարդյունաբերության ականավոր թոփ մենեջերներ, բլոգերներ, փորձագետներ, վերլուծաբաններ:

Որպես հատուկ հյուր Աստանայում կայանալիք Ֆորումին հրավիրված է կինոռեժիսոր Նիկիտա Միխալկովը:
ԵԱՄՖ-2011-ի ծրագիրը ներառում է լիագումար և սեկցիոն նիստեր, կլոր սեղաններ և նստաշրջաններ, ինչպես նաև նոր մուլտիմեդիոն ապրանքների շնորհանդես: Հատուկ նստաշրջանների ժամանակ կքննարկվեն այնպիսի սուր հարցեր, ինչպիսիք են սոցիալական ցանցերի գործունեության սոցիալական հետևանքները, մեդիա-արդյունաբերությունն անկայուն տնտեսության պայմաններում, ինտերնետրում մեդիայի վրա պետական կարգավորման ազդեցությունը, ինչպես նաև կքննարկվեն ազգային տեղեկատվական մոդելների առանձնահատկությունները:

Ֆորումի ծրագրին կարելի է ծանոթանալ հետևյալ ինտերնետային հասցեի միջոցով՝ ria.ru/mf_docs/20111102/478343977.html:

ԵԱՄՖ-2011-ի ինֆորմացիոն գործընկերներն են «Միր» միջպետական հեռուստառադիոընկերությունը, «Գոլոս Ռոսիի» ռուսական պետական ռադիոհեռարձակող ընկերությունը, «Նուռ մեդիա» մեդիահոլդինգը, «Ղազախստանսկայա պրավդա» հանրապետական թերթը, «Խաբար» հանրապետական հեռուստաալիքը, ինչպես նաև «Կազինֆորմ» լրատվական գործակալությունը:

ԵԱՄՖ-ն առաջին անգամ անցկացվել է «ՌԻԱ Նովոստի» գործակալության կողմից 2006 թ.-ին: Միջոցառման նպատակն է համախմբել նախկին ԽՍՀՄ հանրապետությունների լրագրողական միությունները: Այսօր ԵԱՄՖ-ն բացառիկ հարթակ է, որը միակն է հետխորհրդային տարածքում: Այն թույլ է տալիս ԱՊՀ, Բալթյան երկրների և Վրաստանի ԶԼՄ-ների ներկայացուցիչներին քննարկել և կանխատեսել մեդիաոլորտի զարգացման գործընթացները, ինչպես նաև փոխանակվել փորձով: Ֆորումին ավանդաբար մասնակցում են առաջատար քաղաքական և հասարակական գործիչներ:

Ֆորումի աշխարհագրությունը մշտապես ընդլայնվում է: Նախորդ տարի ԵԱՄՖ-ն անցկացվում էր Կիևում: Մինչ այդ չորս տարի անընդմեջ Մոսկվան էր ընդունում մեդիահանրության ներկայացուցիչներին: Այժմ էստաֆետը փոխանցվել է Ղազախստանի մայրաքաղաքին: ԱՊՀ 20-ամյակին Աստանան որպես ԵԱՄՖ-ի անցկացման հարթակ ընտրելը թույլ է կտա մի կողմից ընդգծել ԱՊՀ երկրների բազմակողմանի համագործակցության արդյունավետ բնույթը, մյուս կողմից՝ աջակցել անկախ պետությունների ԶԼՄ-ների իրավահավասար տեղեկատվական փոխգործակցության գաղափարին:-0-

Ծանոթացեք լուրերին առաջինն ու քննարկեք դրանք մեր Telegram-յան ալիքում

ԱՌԿԱ գործակալություն
Բաժնի այլ նյութեր
16:02
21 Մարտի 2024
Հայաստանի իշխանությունները ոչ մի միակողմանի զիջման չեն գնում Ադրբեջանին տարածքների հարցում․ Անդրանիկ Քոչարյան
ՔՊ–ական պատգամավոր Անդրանիկ Քոչարյանը հայտարարել է, որ Հայաստանի իշխանությունները ոչ մի միակողմանի զիջման չեն գնում Ադրբեջանին տարածքների հարցում
15:49
21 Մարտի 2024
Ամերիաբանկի ՓՄՁ վարկային պորտֆելը 2023-ին գրանցել է ավելի քան 30% աճ
Ամերիաբանկի փոքր և միջին ձեռնարկատիրության (ՓՄՁ)  վարկային պորտֆելը 2023թ-ին ավելացել է ավելի քան 30%-ով՝ 31.12.2023թ-ի դրությամբ  կազմելով 222,6 մլրդ ՀՀ դրամ
13:58
21 Մարտի 2024
Մսուր–մանկապարտեզի խոհանոցի գործունեություն է կասեցվել
Հայաստանում մսուր–մանկապարտեզի խոհանոցի գործունեություն է կասեցվել
13:53
21 Մարտի 2024
Հայաստանն անհամբերությամբ է սպասում ԵՄ–ի հետ մուտքի արտոնագրերի ազատականացման շուրջ երկխոսություն սկսելուն․ Ալեն Սիմոնյան
Ալեն Սիմոնյանը հայտարարել է, որ Հայաստանն անհամբերությամբ է սպասում ԵՄ–ի հետ մուտքի արտոնագրերի ազատականացման շուրջ երկխոսություն սկսելուն
12:25
21 Մարտի 2024
Հայաստանը տարածաշրջանի ամենաերջանիկ երկիրն է․ վարկանիշ
Հայաստանը համարվել է տարածաշրջանի ամենաերջանիկ երկիրը
11:54
21 Մարտի 2024
Քաղաքաշինության կոմիտեն նոր նախագահ ունի
Քաղաքաշինության կոմիտեն նոր նախագահ ունի
09:36
21 Մարտի 2024
Փաշինյանը նշել է 4 գյուղերի մոտ գտնվող տարածքները, որտեղից պատրաստ է սկսել հայ-ադրբեջանական սահմանի սահմանազատումը
Փաշինյանը նշել է 4 գյուղերի մոտ գտնվող տարածքները, որտեղից պատրաստ է սկսել հայ-ադրբեջանական սահմանի սահմանազատումը
11:49
20 Մարտի 2024
Անչափահասների նկատմամբ կատարված հանցագործությունների թիվը մեկ տարում ավելացել է 112%–ով․ ՔԿ
ՔԿ–ն ահազանգում է․ անչափահասների նկատմամբ կատարված հանցագործությունների թիվը մեկ տարում ավելացել է 112%–ով
11:32
20 Մարտի 2024
«Գիժ մարտ»․ Հայաստանում իսկական ձմեռ է (ՎԻԴԵՈ)
«Գիժ մարտ»․ ձմեռը վերադարձել է Հայաստան. ՎԻԴԵՈ
09:42
20 Մարտի 2024
Մոտ ենք նոր գործընկերային ծրագրի համաձայնեցմանը. ՆԱՏՕ–ի գլխավոր քարտուղարը` Հայաստան-ՆԱՏՕ հարաբերություններում հեռանկարների մասին
ՆԱՏՕ–ի գլխավոր քարտուղարը հայտարարել է, որ Հայաստանն ու ՆԱՏՕ–ն մոտ են նոր գործընկերային ծրագրի համաձայնեցմանը
14:21
19 Մարտի 2024
Տավուշի համայնքների հարևանությամբ հայտնվելու են ադրբեջանցի զինված ծառայողներ․ Թաթոյանը՝ Տավուշի վերաբերյալ Փաշինյանի հայտարարության մասին
Թաթոյանը զգուշացրել է, որ վտանգվելու է հատկապես Տավուշով հայ-վրացական սահմանային հաղորդակցությունը