Սոբյանինը հայտարարել է, որ իր կինը կապ չունի մայթերի սալիկների հետ

Մոսկվայի քաղաքապետ Սերգեյ Սոբյանինը հայտարարել է, որ իր կինը կապ չունի մայթերի սալիկների հետ, որոնք այս տարի փոխարինել են Մոսկվայի կենտրոնի ասֆալտե ծածկը:

2011թ.-ին Մոսկվայի քաղաքապետի նախաձեռնությամբ ասֆալտի փոխարեն սկսել են սալիկ տեղադրել: Նա նշել է, որ մայրաքաղաքի մայթերի շուրջ 90 տոկոսն ասֆալտապատ է, որն ամռանը հալչում է, իսկ աշնանն անշուք է դառնում: 2011թ.-ին Մոսկվայի կենտրոնական փողոցների մայթերին և մայրուղիներին նախատեսվում է ասֆալտի փոխարեն սալիկ տեղադրել: Այս կապակցությամբ շատ ԶԼՄ-ներ սկսեցին տեղեկացնել, թե այն տարիներին, երբ Սոբյանինը Տյումենի մարզպետն էր, նրա կինը մի ճանապարհաշինարարական ընկերության սեփականատեր էր, որը Տյումենի հրապարակներում սալիկներ էր տեղադրում, իսկ ճանապարհների վրա՝ գրանիտե եզրաքարեր:

«Իմ կինը դաստիարակ է, մանկավարժ, քաղաքականությամբ չի զբաղվում», - հայտարարել է Մոսկվայի քաղաքապետը երեքշաբթի «Вести FM» ռադիոկայանի ուղիղ եթերում, հաղորդում է ՌԻԱ Նովոստին:

Նա նաև նշել է, որ հարկավոր է Մոսկվայի կենտրոնում ասֆալտը փոխարինել սալիկով: «Ասֆալտը մայթերին նույնն է, ինչ մեքենայի յուղը տապակի մեջ», - ընդգծել է Մոսկվայի քաղաքապետը:-0-