ԵՐԵՎԱՆ, 19 ապրիլի. /Նովոստի-Արմենիա/. Շարունակվում է ռուսական 102 ռազմաբազայից անհետ կորած զինծառայող ՌԴ քաղաքացի, 35-ամյա Դմիտրի Լոշմանովի հետախուզումը։
ՀՀ ոստիկանությունը հետախուզում է հայտարարել անհետ կորած ռուս զինծառայողի նկատմամբ>>
Ինչպես հայտնում է shamshyan.com կայքը, Շիրակի մարզի դատախազ Կարեն Գաբրիելյանն ասել է, որ կատարվում են ակտիվ որոնողական աշխատանքներ, իսկ ՀՀ քննչական վարչությունում այդ կապակցությամբ նյութեր են նախապատրաստում։ Գաբրիելյանը հաստատել է նաև, որ իրենց ունեցած տեղեկությունների համաձայն, պայմանագրային զինծառայող Լոշմանովը եղել է առանց զենքի ու զինվորական համազգեստի:
ՌԴ ՊՆ-ն հաստատել է Հայաստանում ռուս զինծառայողի կորուստը>>
«Մեր ունեցած տվյալներով, եղել է քաղաքացիական հագուստով՝ առանց զենքի: Իսկ այս պահին այլ բան ասել չեմ կարող, քանի որ որոնողական աշխատանքները դեռ ընթացքի մեջ են»,- նշել է դատախազը՝ կոչ անելով գյումրեցիներին չանհանգստանալ:
«Անհանգստանալու առիթ ես չեմ տեսնում՝ անձը դուրս է եկել տանից՝ առանց զենքի ու համազգեստի»,- հավելել է Կարեն Գաբրիելյանը:
Ավելի վաղ հաղորդվել է, որ
կորած զինծառայողը Դմիտրի Լոշմանովն է։ Նա դուրս է եկել հանրակացարանից ապրիլի 16–ին, գնացել է գնումների և չի վերադարձել։ -0-