ԵՐԵՎԱՆ, 19 մարտի. /Նովոստի–Արմենիա/. Հայաստանի վարչապետ Նիկոլ Փաշինյանը մամուլի ասուլիսում հայտնեց, որ անձամբ պատրաստվում է մասնակցել առաջիկա համապետական շաբաթօրյակին։
«Մարտի 23–ին երկրում տեղի է ունենալու համապետական մաքրության օր, հույս ունեմ, որ կմասնակցենք դրան, ես անձամբ մասնակցելու եմ։ Հույս ունեմ, որ մեր քաղաքացիները նույնպես ակտիվ կմասնակցեն»,– ասաց նա։
Փաշինյանի խոսքով, վիզուալ պրոբլեմներից մեկն աղբի տարածման պրոբլեմն է։
Կառավարության ղեկավարը հիշեցրեց, որ բազմիցս ասել է, որ երկրում հեղափոխական մասշտաբի փոփոխությունները տեսանելի կլինեն այն ժամանակ, երբ երկիրը մաքրվի աղբից։
«Եթե կարողանանք ազատվել աղբից, թափոններից, ժանգոտ կրպակներից, քանդած ավտոմեքենաներից, ապա կկարողանանք հասնել գոնե վիզուալ առաջընթացի, և ես ուրախ եմ, որ գործընթացն արդեն մեկնարկել է»,– ասաց վարչապետը։ -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում