ԵՐԵՎԱՆ, 15 ապրիլի./Նովոստի–Արմենիա/. Հայաստանի վարչապետ Նիկոլ Փաշինյանը մաքսակետում միջադեպի համատեքստում ասաց, որ եթե ուսադիրներով մարդու` պետական դրոշի վերաբերյալ ունեցած վերաբերմունքը պատշաճ մակարդակի չէ, ապա ինքը մնում է իր կարծիքին։
Ապրիլի 9–ին Փաշինյանն այցելել է Արարատի մարզի մաքսակետ և դժգոհություն է հայտնել առկա իրավիճակից, այդ թվում` սանիտարահիգիենիկ իրավիճակից և պետական դրոշի նկատմամբ անհարգալից վերաբերմունքից։ Վարչապետը նույն պահին հրահանգել է ազատել աշխատանքից այդ տարածքի աշխատողներին` պահանջելով անվանացուցակ։
«Եթե վարչապետի մոտենալն է այդպիսի արձագանք առաջացնում, կամ չի առաջացնում, ապա շարքային քաղաքացու մոտենալը որևէ արձագանք առաջացնու՞մ է»,– այսպիսի հարցադրում արեց վարչապետը, ավելացնելով, որ կառավարությունում բազմաթիվ բողոքներ են ստացվում` կապված պարտականությունների կատարման նկատմամբ անպատշաճ վերաբերմունքի վերաբերյալ։
Փաշինյանն ասաց, որ պետական մարմիններում քաղաքացու այցը ոչ մի արձագանք չի գտնում։
Ինչ վերաբերում է միջադեպին, ապա, նրա խոսքով, եղել է կոնկրետ դեպք և կոնկրետ արձագանք։
«Կարծում եմ` պետական դրոշի նկատմամբ վերաբերմունքի բարելավման ոչ մի ակցիան եղել է ոչ այնքան արդյունավետ, որքան այդ միջադեպը։ Ինձ մոտ ստացվող տեղեկության համաձայն, այդ օրը ողջ պետական ապարատը զբացված էր դրոշի նկատմամբ պատշաճ վերաբերմունք ձևավորելով»,– ասաց նա։
Անդրադառնալով այն հարցին, որ աշխատողը մնացել է առանց աշխատանքի, վարչապետը նշեց, որ բարձրակարգ մասնագետն առանց աշխատանքի չի մնա։ -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում