ԵՐԵՎԱՆ, 30 ապրիլի. /Նովոստի-Արմենիա/. Հայկական ընդդիմության առաջնորդ Նիկոլ Փաշինյանը Հայաստանի վարչապետի ընտրությունների նախօրեին հայտարարեց, որ կարևոր չէ, թե ով կընտրվի Ազգային ժողովի կողմից:
«Հայաստանի իրադարձությունները զարմացնում և հիացնում են աշխարհը, ստիպում են մտածել: Մեծ է հավանականությունը, որ վաղը ձեր առաջադրած թեկնածուն կընտրվի Հայաստանի վարչապետ: Սակայն ամենակարևորը դարձավ այն, որ երկրում կա ժողովուրդ, որը որոշեց իրադարձությունների ընթացքը: Կարևոր չէ, թե ով կլինի Հայաստանի վարչապետ: Կարևորն այն է, որ այժմ իշխանության ղեկին ժողովուրդն է»,- ասաց Փաշինյանը:
Ըստ նրա, գլխավորն այն է, որ ժողովուրդն իրեն զգաց իր երկրի տերը:
Загружается новость ...
"Право"
«Եվ դա դարձավ մեր «թավշյա» հեղափոխության գլխավոր արդյունքը: Կարևոր չէ, թե վաղն ինչ տեղի կունենա Ազգային ժողովում, կարևորը Հայաստանի քաղաքացու հաղթանակն է: Վաղն այս հրապարակում պետք է տոնակատարություն տեղի ունենա, որի ժամանակ ժողովուրդը հաղթանակ կտոնի»,- ասաց Փաշինյանը:
Փաշինյանը նշեց նաև, որ մայիսի 1-ին ժամը 11:00-ից մարդիկ հավաքվում են Հանրապետության հրապարակում, որտեղ տեղադրված էկրանների վրա ուղիղ հեռարձակմամբ կցուցադրվի ԱԺ նիստը:
«Ձեր թույլտվությամբ մենք պատգամավորական կազմով կգնանք այդ նիստին մասնակցելու, և նիստից անմիջապես հետո կմիանանք ձեզ այստեղ, այս հրապարակում: Անկախ արդյունքներից, մենք նիստից հետո կգանք այստեղ եւ միասին կտոնենք մեր հաղթանակը»,- ասաց Փաշինյանը, ավելացնելով, որ ժողովուրդը տոնելու է հաղթանակ հիասթափության, արտագաղթի, թուլության և անորոշության նկատմամբ:
«Մեր երազանքները սկսում են կատարվել, մենք արդեն չենք երազում ազատ և երջանիկ Հայաստանի մասին, մենք այնտեղ ապրում ենք»,- ասաց Փաշինյանը:
Ապրիլի 13–ից հանրապետությունում իրականացվող բողոքի մասշտաբային ակցիաների ֆոնին ապրիլի 23–ին ՀՀ վարչապետ Սերժ Սարգսյանը հայտարարեց իր հրաժարականի մասին։ Նույն օրը ՀՀ նախագահ Արմեն Սարգսյանն ընդունեց կառավարության հրաժարականը։ Ապրիլի 25–ին հանրահավաքի ժամանակ Նիկոլ Փաշինյանն առաջարկվեց որպես վարչապետի թեկնածու։
Ապրիլի 28–ին ՀՀ ԱԺ փոխխոսնակ, ՀՀԿ գործադիր մարմնի անդամ Էդուարդ Շարմազանովը հայտարարեց, որ ՀՀԿ–ն թեկնածու չի առաջադրի վարչապետի ընտրություններում։ Նույն օրը «Բարգավաճ Հայաստան» կուսակցության և «Ծառուկյան» խորհրդարանական դաշինքի առաջնորդ Գագիկ Ծառուկյանը հայտարարեց, որ «Ծառուկյան» դաշինքը կաջակցի ժողովրդի թեկնածուին վարչապետի ընտրություններում։ ՀՅԴ–ն ևս որոշում է ընդունել աջակցել Նիկոլ Փաշինյանի թեկնածությանը։–0–
