ՀՀ հանրային ռադիոյի նախկին ղեկավարը հերքել է իր ազատվելու շուրջ պտտվող լուրերը

ԵՐԵՎԱՆ, 9 դեկտեմբերի. /Նովոստի–Արմենիա/. Հանրային ռադիոյի նախկին ղեկավար Արմեն Ամիրյանը Facebook սոցիալական ցանցի իր էջում հերքել է իր հրաժարականի շուրջ պտտվող լուրերը։

«Հանրային ռադիոյի աշխատակիցներին ուղղված իմ ուղերձում ես շատ հստակ շարադրել եմ պաշտոնից հեռանալու ին պատճառները, մեջբերում եմ` «Սիրելի գործընկերներ , ես աշխատանքից ազատվելու դիմում եմ ներկայացրել և մասնակցելու եմ հանրային հեռուստառադիոընկերության խորհրդի անդամի թափուր պաշտոնի համար հայտարարված մրցույթին»»,– գրում է Ամիրյանը։

Նա խնդրեց դադարեցնել զանազան ասեկոսեներն այն մասին, թե նրա ազատվելն ինչ–որ կերպ կապված է անցկացված սահմանադրական հանրաքվեի կամ կառավարության աշխատակազմի հետ կապված խնդիրների հետ։

Ամիրյանը նշում է, որ հեռուստատեսության և ռադիոյի ոլորտում իր ունեցած 30–ամյա փորձն ինքը ցանկանում է կիրառել ավելի լայն դաշտում։ Ըստ նրա, զբաղեցրած պաշտոնից հեռանալը և Խորհրդում ընդգրկվելու որոշումը բացառապես իր սեփական որոշումն է, քանի որ օրենքն արգելում է մասնակցել մրցույթի` Հանրային ռադիոյի ղեկավարի պաշտոնը զբաղեցնելու դեպքում։

«Հույս ունեմ, որ սա տվյալ թեմայով ոչ միայն իմ, այլ նաև ԶԼՄ–ների վերջին գրառումն է»,– գրել է նա։ -0-