Հայաստանը կարող է հարձակողական ծանր սպառազինության նոր խմբաքանակ ստանալ

ԵՐԵՎԱՆ, 17 հոկտեմբերի. /Նովոստի–Արմենիա/. Հայաստանը Ռուսաստանից կարող է «Սմերչ» և «Սոլնցեպյոկ» տեսակի զենք ստանալ նոր մատակարարման շրջանակում, «Նովոստի–Արմենիա» գործակալությանն ասաց Razm.info ռազմական լուրերի կայքի համակարգող Կարեն Վրթանեսյանը։

«Ոչինչ չեմ կարող ասել մատակարարումների ժամկետների մասին։ Բայց սպառազինության տեսակների մեջ հիշատակվում են «Սոլնցեպյոկները», «Սմերչերը», հակատանկային միջոցներ, ռադիոէլեկտրոնային պայքարի համակարգեր»,– ասաց Վրթանեսյանը։

Նա նաև չբացառեց, որ Հայաստանը կհամագործակցի սպառազինության գնման հարցում նաև այլ երկրների հետ։

«Չեմ կարող ասել, թե ինչ բանակցություններ են ընթանում և ում հետ, որովհետև դա փակ տեղեկատվություն է, բայց, անկասկած, միայն Ռուսաստանով ռազմատեխնիկական գործակցությունը չի սահմանափակվում»,– նշեց Վրթանեսյանը։
Ավելի վաղ երկուշաբթի քաղաքագետ Հրանտ Մելիք–Շահնազարյանն ասել էր, որ Հայաստանի Ռուսաստանից նոր սպառազինություն կստանա մինչև նոյեմբերի վերջ։ -0-