ԵՐԵՎԱՆ, 30 օգոստոսի. /Նովոստի–Արմենիա/. Հայաստանի կառավարությունը հինգշաբթի նիստում ընդունեց նախընտրական կաշառքները քրեականացնող օրենսդրական փոփոխությունների փաթեթը։
«Այդ փաթեթի ընդունման դեպքում խստանում է ընտրակաշառքների համար պատասխանատվությունը, և այդ արարքը վարչական իրավախախտումների օրենսգրքից տեղափոխվում է Քրեական օրենսգիրք։ Խախտման համար նախատեսվում է ոչ միայն տուգանք, այլ նաև որոշակի ժամկետով ազատազրկում»,– ասաց Հայաստանի արդարադատության նախարար Արտակ Զեյնալյանը` ներկայացնելով օրինագիծը։
Նրա խոսքով, քրեականացմանը զուգընթաց առաջարկվում է բացառությունների ներդրում, որոնց դեպքում կաշառք չեն համարվի քարոզի նյութերը, օրինակ, տարբերանշաններով առարկաները։
«Մեր կառավարությունը պարտավորվել է ապահովել ազատ ընտրություններ, ինչպես նաև բարձրացնել հասարակայնության վստահությունն ընտրական ինստիտուտների նկատմամբ։ Այդ փաթեթով առաջարկվում են փոփոխություններ Քրեական օրենսգրքում և Վարչական իրավախախտումների օրենսգրքում։ Դրանց շուրջ աշխատանքներին մասնակցել են քաղաքացիական հասարակության ներկայացուցիչները»,– ասաց Զեյնալյանը։
Նրա խոսքով, այդ ասպեկտով Երևանի ավագանիների խորհրդի առաջիկա ընտրությունները կդառնան կարևոր քննություն, և այն պետք է գերազանց հանձնել։
Երևանի ավագանիների խորհրդի ընտրությունները կանցկացվեն 2018 թվականի սեպտեմբերի 23–ին։ Երևանի քաղաքապետի պաշտոնը թափուր է մնացել հուլիսի 9–ին քաղաքապետ Տարոն Մարգարյանը հրաժարական է տվել կոռուպցիոն սկադալի ֆոնին։
ՀՀ վարչապետ Նիկոլ Փաշինյանն իր հերթին նշեց, որ նման երևույթները պետք է բացառվեն։
Վարչապետն անդրադարձավ նաև այն առարկաների ցանկին, որոնք չեն համարվում նախընտրական կաշառք։ Դրանց թվում նշված է նաև սննդամթերքը։
«Մեր պատմական փորձը հաշվի առնելով` երեք հազար դրամը բավականին գումար կուսակցության նշանով լավաշ կամ մուրաբա կամ ալյուրի պարկ բաժանելու համար, կամ ենթադրենք երեք հազար դրամ դնեն տոպրակի մեջ կուսակցության նշանով բաժանեն կամ երեք հազար դրամով դիզվառելիք թեկնածուի պատկերով: Ձևակերպումը տարընթերցման տեղիք է տալիս, պետք է հստակ նշել: Եկեք չթերագնահատենք ընտրակեղծարարների կրեատիվ միտքը», –– նշեց Փաշինյանը։
Կառավարությունը նիստի ժամանակ նաև որոշում ընդունեց սեպտեմբերի 6–ին գումարել ԱԺ արտահերթ նիստ` փոփոխությունները քննարկելու համար։–0–
Ծանոթացեք լուրերին առաջինն ու քննարկեք դրանք մեր Telegram-յան ալիքում