Հայաստանի բնակչությունը պետք է վարքի կանոնների տիրապետի ԱՊ–ների դեպքում. փորձագետ

ԵՐԵՎԱՆ, 3 հունիսի. /Նովոստի-Արմենիա/. Հայաստանի կառավարությունը պետք է անհրաժեշտ աշխատանք տանի բնակչությանն արտակարգ պատահարների ժամանակ վարքի կանոններ սովորեցնելու ուղղությամբ։ Այս մասին ասաց ռազմական փորձագետ և հետախույզ Վովա Վարտանովը երկուշաբթի մամուլի ասուլիսում։

Նրա խոսքով, ուժային կառույցների ներկայացուցիչները պետք է դասեր անցկացնեն բնակչության համար, մասնավորապես, դպրոցներում և մանկապարտեզներում, որ ԱՊ դեպքերում մարդիկ իմանան` ինչպես իրենց պահեն, որ չտուժեն։

«Մենք հաշվի չենք առնում այն փաստը, որ պատերազմական վիճակում ենք, որ այժմ դրան մասնակցելու են ավելի խոշոր խաղացողներ։ Մենք չենք պատրաստվում զոհերի կրճատման»,– ընդգծեց Վարտանովը։

Փորձագետը նաև նշեց Հայաստանում, ի տարբերություն այլ երկրների, բնակչության անվտանգության ապահովման անհրաժեշտ ծրագրերի բացակայությունը, ընդգծելով, որ ԱՊ դեպքում մոբիլիզացմանը պետք է մասնակցեն բնակչության բոլոր շերտերը։

«Ժողովուրդը պատրաստ չէ պատերազմի... ԱՊ դեպքում մոբիլիզացմանը պետք է մասնակցի ոչ միայն բանակը, ՌԱՀ ներկայացուցիչները, գործարարները, այլ նաև բոլոր քաղաքացիները»,– ասաց Վարտանովը։ -0-