ԵՐԵՎԱՆ, 3 հուլիսի./Նովոստի–Արմենիա/. Հայաստանի և ԵՄ–ի միջև համապարփակ և ընդլայնված գործընկերության համաձայնագիրը վերջնականապես վավերացրել է 13 երկիր, չորեքշաբթի ճեպազրույցում ասաց ԱԳՆ մամուլի քարտուղար Աննա Նաղդալյանը։
Նրա խոսքով, ԵՄ անդամ երկրներից տվյալ Համաձայնագրի վավերացման համար անհրաժեշտ ներքաղաքական ընթացակարգերի ավարտման մասին տեղեկացրել են հետևյալ երկրները` Էստոնիան, Լատվիան, Լիտվան, Բուլղարիան, Լեհաստանը, Լյուքսեմբուրգը, Դանիան, Մալթան, Ռումինիան, Միացյալ թագավորությունը, Ֆինլանդիան, Հունգարիան և Սլովակիան։
Բացի այդ, նրա խոսքով, բացի Կիպրոսի խորհրդարանից, համաձայնագիրը նաև վավերացրել է Գերմանիայի բունդեսթագը, Չեխիայի պատգամավորների պալատը, Շվեդիայի խորհրդարանը։
«Այդ երկրներն արդեն անցել են համաձայնագրի վավերացման հաջորդ փուլ»,– ասաց Նաղդալյանը։
Հայաստանի և ԵՄ–ի միջև համապարփակ և ընդլայնված գործընկերության համաձայնագիրը ստորագրվել է 2017 թվականի նոյեմբերի 24–ին և հայկական խորհրդարանի կողմից վավերացվել է 2018 թվականի ապրիլի 11–ին։ Հայաստանը դարձել է ԵՏՄ առաջին անդամ երկիրը, որը նման փաստաթուղթ է ստորագրել ԵՄ–ի հետ։ -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում