Հայ արտագնա աշխատողները նախընտրում են չօգտվել դրամական փոխանցումների համակարգերից. ԿԲ նախագահ

ԵՐԵՎԱՆ, 17 նոյեմբերի. /Նովոստի–Արմենիա/. Հայաստանում ստացվող տրանսֆերտների ծավալը վերջին երեք տարիներին կրճատվել է գրեթե 600 մլն դոլարով, հինգշաբթի ասաց Հայաստանի Կենտրոնական բանկի նախագահ Արթուր Ջավադյանը խորհրդարանում 2017 թվականի պետբյուջեի նախագծի քննարկումների ժամանակ։

Նրա խոսքով, տրանսֆերտների տեմպերը վերջին երեք տարիներին զգալիորեն կրճատվել են, ինչը պայմանավորված է ոչ միայն տնտեսական ճգնաժամով։

Ինչպես նշեց ԿԲ ղեկավարը, պատճառը նաև այն է, որ Հայաստանի քաղաքացիների համար ԵՏՄ–ին անդամակցելուց հետո հանվել են արժույթի ներկրման սահմանափակումները։

«Այժմ հայ արտագնա աշխատողների վերադարձի ժամանակն է, և նրանք անարգել, առանց սահմանափակումների և հայտարարագրերի բերում են վաստակած միջոցները և փորձում են չվճարել բանկերին չվճարել այն նվազագույն 1 տոկոս հավելավճարները փոխանցման համար` նախընտրելով ինքնուրույն բերել ողջ վաստակածը»,– ասաց Ջավադյանը։

Այս կապակցությամբ, ինչպես նշում է ԿԲ ղեկավարը, Հայաստան մտնող միջոցների ծավալն այնքան էլ զգալի չէ կրճատվել, կրճատվել են միայն բանկային համակարգող իրականացվող տրանսֆերտները։


Հայաստանի ԿԲ–ն ակնկալում է Ռուսաստանից Հայաստան դրամական փոխանցումների կրճատման տեմպերի զգալի դանդաղում 2016 թվականի արդյունքներով և կանխատեսում է 6-8–տոկոսանոց նվազում։ -0-