ԵՐԵՎԱՆ, 5 հունիսի. /Նովոստի–Արմենիա/. Երևան քաղաքի Հանրապետության հրապարակի շրջանաձև երթևեկության հատվածում 2017 թ. հունիսի 11-ից կրկին երթևեկության կազմակերպման փոփոխություն կկատարվի։
Ինչպես հայտնում է Ճանապարհային ոստիկանությունը, փոփոխությունը կատարվելու է տրանսպորտային միջոցների հապաղումներից և կուտակումներից խուսափելու նպատակով։
«Համապատասխան ճանապարհային նշաններով և գծանշումներով երթևեկությունը կկազմակերպվի այնպես, որ երթևեկության առավելություն կունենան հրապարակի շրջանաձև երթևեկության հատվածում գտնվող տրանսպորտային միջոցները»,– նշվում է հաղորդման մեջ։
Դա նշանակում է, որ մերձակա փողոցներից շրջանաձև երթևեկության հատված մուտք գործող տրանսպորտային միջոցները պետք է ճանապարհը զիջեն շրջանաձև երթևեկության հատվածում գտնվող տրանսպորտային միջոցներին: -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում