ԵՐԵՎԱՆ, 27 հունիսի./Նովոստի–Արմենիա/. Հայաստանի համար ռուսական բնական գազի գնի շուրջ բանակցությունները շարունակվում են, հինգշաբթի լրագրողներին ասաց Հանրային ծառայությունները կարգհավորող հանձնաժողովի նախագահ Գարեգին Բաղրամյանը:
Նա հերքեց ԶԼՄ-ներում հրապարակած տեղեկությունն այն մասին, որ գազի գինը վերջնական սպառողի համար կթանկանա 2020 թվականի հունվարից:
«Ես տեսել եմ ԶԼՄ-ների հրապարակումները, բայց չեմ տիրապետում նման տեղեկության: Բանակցությունները շարունակվում են, և առայժմ նորություններ չկան: Ամեն ինչ կախված կլինի նրանից, թե սահմանում 2020 թվականին ինչ գին կսահմանվի»,- ասաց Բաղրամյանը:
Նա նշեց, որ բանակցությունները տարվում են փոխվարչապետ Մհեր Գրիգորյանի գլխավորությամբ տարածքային կառավարման նախարարի և ենթակառուցվածքների, ՀԾԿՀ և «Գազպրոմ Արմենիա»-ի ներկայացուցիչների մասնակցությամբ:
Загружается новость ...
"Право"
Նրա խոսքով, մեկ ամիս առաջ փորձագետների խումբ է ժամանել ռուսական «Գազպրոմից»: Քննարկվել են գազամատակարարման սխեմաները, մինչև 2030 թվականը ներդրումային ծրագրերը, գազամատակարարման համակարգի զարգացումը, և քննարկվել է ներքին գնագոյացումը:
«Բանակցությունները շարունակվում են, հենց որ արդյունքներ լինեն, դրանք կներկայացվեն հանրությանը»,- ասաց Բաղրամյանը, հիշեցնելով, որ բանակցությունները վերաբերում են 5-ամյա կտրվածքի գնագոյացմանը:
Նա հիշեցրեց, որ միջկառավարական հանձնաժողովի նիստում որոշում է կայացվել, որ կողմերը կներկայացնեն սահմանում գազի գնագոյացման մոտեցումների և բանաձևի վերաբերյալ առաջիկա 5 տարում:
«Փաստաթուղթն առայժմ մշակման փուլում, ինչից հետո այն կներկայացվի հանրությանը: Երբ լինեն վերջնական որոշումներ` կներկայացնենք, առայժմ վերջնական որոշում չկա, բանակցությունները շարունակվում են»,- ասաց Բաղրամյանը:
Նա միաժամանակ ընդգծեց, որ չի համարում բանակցությունները ոչ արդյունավետ, քանի որ 2013 թվականի համաձայնագրով և գազի գնագոյացման բանաձևով, սակագինը պետք է ներկայինից բարձր լիներ:
Նա հիշեցրեց, որ պետությունների ղեկավարների բանակցությունների հաշվին սահմանվել է 165 դրամ մեկ խմ-ի դիմաց:
ՀԾԿՀ ղեկավարն ընդգծեց նաև, որ գազի սակագնի փոփոխությունները ներքին ռուսական շուկայում չի ազդի հայ սպառողի վրա, քանի որ այն չի ազդում սահմանում սակագնի ձևավորման վրա: -0-