«Էրեբունի-Երևան 2800» բացառիկ գորգ կգործվի մայրաքաղաքի հոբելյանի առթիվ (ԼՈՒՍԱՆԿԱՐ)

ԵՐԵՎԱՆ, 10 մայիսի. /Նովոստի–Արմենիա/. Բացառիկ գորգ կգործվի Հայաստանում Երևանի հոբելյանի առթիվ։

Ինչպես հայտնում է Երևանի քաղաքապետարանը, գորգի նախագծի մեկնարկը տրվել է քաղաքապետ Տարոն Մարգարյանի` «Մեգերյան կարպետ» ձեռագործ գորգերի գործարան այցի ժամանակ և նրա անմիջական մասնակցությամբ:



Քաղաքապետն առանձնակի կարևորել է նաև «Էրեբունի-Երևան 2800» գորգի ստեղծման գաղափարը՝ ընդգծելով, որ նախաձեռնությունն ինքնատիպ նվեր կլինի մայրաքաղաքի հոբելյանին:



«Երևանն իսկապես մեծ պատասխանատվությամբ է պատրաստվում Էրեբունի-Երևան 2800-ամյակի տոնակատարություններին: Հոբելյանի առթիվ մայրաքաղաքում տարբեր նախաձեռնություններ կլինեն, որոնցից մեկն էլ «Էրեբունի-Երևան 2800» գորգի ստեղծումն է, որն իր տեղը կգտնի Երևան քաղաքի պատմության թանգարանում»,– ասաց Մարգարյանը։

«Էրեբունի–Երևանի» 2800-ամյակը կնշվի 2018 թվականին։ -0-