ԵՐԵՎԱՆ, 28 մայիսի. /Նովոստի-Արմենիա/. Հայհիդրոմետկենտրոնը ներկայացրել է առաջիկա օրերի եղանակի կանխատեսումը:
Այսպես, մայիսի 28-ին` Հայաստանի Առաջին հանրապետության օրը, ինչպես նաև մայիսի 29-30-ին և հունիսի 1-ին կեսօրից հետո երկրի առանձին շրջաններում սպասվում են կարճատև անձրևներ և ամպրոպներ, որոշ հատվածներում հնարավոր է կարկուտ:
Երևանում երեքշաբթի նույնպես կանխատեսվում են կարճատև անձրևներ, իսկ հաջորդ չորս օրերին եղանակը պարզ կլինի:
Քամին կլինի հարավ-արևմտյան` 3-8 մետր վայրկյան արագությամբ, ամպրոպի ժամանակ քամու պոռթկումները կարող են հասնել 18-20 մետր վայրկյանի:
Օդի ջերմաստիճանը մայիսի 29-ից հունիսի 1-ն աստիճանաբար կբարձրանա 3-4 աստիճանով: -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում