Արտահերթ խրհրդարանական ընտրություններն այլընտրանք չունեն. Փաշինյան

19:04

22 Հոկտեմբերի 2018

ԵՐԵՎԱՆ, 22 հոկտեմբերի. /Նովոստի–Արմենիա/. Հայաստանի վարչապետի պաշտոնակատար Նիկոլ Փաշինյանը Facebook–ի իր էջի ուղիղ եթերում մեկնաբանեց ԸՕ փոփոխությունների տապալումն ԱԺ–ում, հայտարարելով, որ խորհրդարանական մեծամասնությունը սաբոտաժի քաղաքականություն է վարում։

Հայաստանի արդարադատության նախարարի պաշտոնակատար Արտակ Զեյնալյանը, ներկայացնելով օրենսգրքի փոփոխությունները, նշեց, որ դրանց հիմնական նպատակը Հայաստանում ժողովրդավարական ինստիտուտների հաստատումն է։ Ազգային ժողովը երկուշաբթի առաջին ընթերցմամբ չընդունեց Ընտրական օրենսգրքի փոփոխությունները։ Օրինագծին կողմ քվեարկեց 54 պատգամավոր, դեմ` երեքը։ Օրինագծի ընդունման համար անհրաժեշտ էր 63 պատգամավորների հավանությունը։

«Այսօրվա քվեարկությունը ցույց է տալիս գործերի իրական վիճակը։ Խորհրդարանակն մեծամասնությունը և նրա կողմնակիցներն անում են ամեն ինչ` սաբոտաժի քաղաքականություն վարելու համար, և վերջին 20 օրերն արդեն դա ակնհայտ ցույց տվեցին մի քանի անգամ»,– ասաց նա։
Վարչապետի պաշտոնակատարի խոսքով, այդ մեթոդներով «նրանք» փորձում են արտահերթ ընտրությունները վերածել ռևանշի գործիքի։ «Նույնիսկ եթե արտահերթ ընտրություններն անցկացվեն գործող Ընտրական օրենսգրքով, դա ոչինչ չի փոխի, որովհետև ժողովրդի հաղթանակն անխուիսափելի է, և ոչ ոք չի կարող այն խլել։ Վերադարձ անցյալին չկա և չի լինելու, այնպես որ կոչ եմ անում Հայաստանի քաղաքացիներին պատրաստվել արտահերթ ընտրությունների, կոչ եմ անում հեղափոխությունը հասցնել իր տրամաբանական ավարտին»,– ասաց Փաշինյանը։

Загружается новость ... "Лево"

Նա հայտնեց, որ ռևանշ չի լինելու, կոռուպցիոն համակարգին վերադարձ չի լինելու, Հայաստանում սկզբունքորեն կշարունակվի կոռուպցիայի և անօրինականության դեմ պայքարը։

«Այսօրվա քվեարկությունը ցույց տվեց, որ կառավարությունը ձևավորման առաջին օրերից աշխատում է սաբոտաժի մթնոլորտում, և այդ սաբոտաժը մի քանի անգամ արդեն ակնհայտ նկատվել է։ Այժմ փորձեր են արվում ավարտի հասցնել սաբոտաժը, բայց այն ավարտի չի հասնի, տրամաբանական ավարտի կհասնի ժողովրդի հաղթանակը»,– ասաց Փաշինյանը։

Հայաստանի վարչապետ Նիկոլ Փաշինյանը հրաժարական տվեց հոկտեմբերի 16–ին` խորհրդարանի արձակման և արտահերթ խորհրդարանական ընտրությունների անցկացման համար։ Նույն օրը Հայաստանի նախագահ Արմեն Սարգսյանն ընդունեց կառավարության հրաժարականը։ Նախատեսվում է, որ արտահերթ խորհրդարանական ընտրությունները կկայանան դեկտեմբերի կեսին։ -0-

Ծանոթացեք լուրերին առաջինն ու քննարկեք դրանք մեր Telegram-յան ալիքում

#Հայաստան #Նիկոլ Փաշինյան #ՔՕ #փոփոխություններ #ընտրություններ

Թեմատիկ նյութեր