ԵՐԵՎԱՆ, 21 փետրվարի./Նովոստի–Արմենիա/. Հանդիսավոր ընդունելություն է կայացել ՀՀ-ում ՌԴ դեսպանատանը փետրվարի 23–ին նշվող Հայրենիքի պաշտպանի օրվա կապակցությամբ։
Ողջույնի խոսքով հյուրերին են դիմել Հայաստանում ՌԴ արտակարգ և լիազոր դեսպան Սերգեյ Կոպիրկինը և Հայաստանի պաշտպանության նախարար Դավիթ Տոնոյանը։
Դեսպանը` Ռուսաստանի պատմության մեջ հայերի դերի մասին
Կոպիրկինը նշել է, որ այդ օրը միայն Ռուսաստանի պատմության տոնը չէ։
«Ավելորդ է ասել այն դերի մասին, որ խաղացել են հայոց ազգի փառահեղ ներկայացուցիները Ռուսաց Պետության գրեթե ողջ պատմության ընթացքում»,– ասել է նա։
Դեսպանը նշել է, որ 102–րդ ռազմակայանի անձնակազմը ոչ միայն հավատարիմ և անկեղծ կատարում է պարտքը Ռուսաստանի և նրա քաղաքացու առջև, այլ նաև օգնում է ապահովել բարեկամ Հ այաստանի անվտանգությունն ու խաղաղությունը։
Պաշտպանական ոլորտում հայ–ռուսական գործակցության բարձր մակարդակը
Հայաստանի պաշտպանության նախարարը նշեց, որ ռուսական ներկայությունը հավքական անվտանգության կովկասյան տարածաշրջանում կարևորագույն զսպող գործոն է, որը խոչընդոտում է տարածաշրջանում ռազմական գործողությունների վերսկսմանը և նպաստում տարածաշրջանային կայունության և անվտանգության պահպանմանը։
Տոնոյանը նշեց նաև, որ բարձր է գնահատում պաշտպանական ոլորտում հայ–ռուսական հարաբերությունների մակարդակը։
«Դա հավելյալ ազդակ է Հայաստանի և Ռուսաստանի միջև ռազմավարական, դաշնակցային հարաբերությունների հետագա զարգացման համար` ի բարօրություն մեր պետությունների»,– ասաց նա։
Տոնոյանն ընդգծեց, որ Հայաստանում Ռուսաստանի անվտանգության դաշնային ծառայության սահմանային վարչության անձնակազմը շարունակում է իր նախորդների փառավոր ավանդույթները, ըստ արժանվույն լուծում իր առջև կանգնած խնդիրները Հայաստանի ազգային անվտանգության ծառայության սահմանապահ զորքերի հետ համատեղ։
Երկկողմ գործընկերությունը հումանիտար հարթությունում
Դեսպան Կոպիրկինն ընդգծեց, որ Ռուսաստանը բարձր է գնահատում Հայաստանի մասնակցությունը Սիրիայի հումանիտար առաքելությանը։
«Հայ մասնագետների ներկայությունը Սիրիայի բազմաչարչար հողում հերթական անգամ հաստատում է մեր փոխհարաբերությունների դաշնակցային, հատուկ բնույթը»,– ասաց դեսպանը։
Загружается новость ...
"Право"
Պաշտպանության նախարարն իր հերթին նշեց, որ հումանիտար հարթությունում գործակցությունը հայ–ռուսական հարաբերությունների կարևորագույն մասն է։
Խոսելով հայկական հումանիտար առաքելության`Հալեպ մեկնելու մասին` նախարարը հատուկ երախտագիտություն հայտնեց Ռուսաստանի պաշտպանության նախարարության ղեկավարությանը հայ մասնագետների համակողմանի ապահովման հարցերի օպերատիվ լուծման և տեղակայման վայր նրանց հասցնելու համար։
Հայաստանի պաշտպանության նախարարությունը փետրվարի 8–ին հայտնել է 83 հայ մասնագետներից բաղկացած խմբի` Սիրիայի Հանրապետություն ուղարկելու մասին։ Հայ մասնագետները Հալեպի` բացառապես ռազմական գործողություններից զերծ բնակավայրերում ծավալելու են հումանիտար ականազերծման, բնակչության հակաականային իրազեկման, բժշկական ծառայությունների մատուցման մարդասիրական գործունեություն։ -0-
