ԵՐԵՎԱՆ, 21 հուլիսի. /Նովոստի–Արմենիա/. ՀՀ–ում ԱՄՆ դեսպանությունը անդրադարձել է ՀՀ–ում երկարացված վավերականության ժամկետով անձնագրով ԱՄՆ վիզա տրամադրելու հարցին:
Նախօրեին ՀՀ ոստիկանապետի տեղակալ Վարդան Եղիազարյանը հայտնել էր, որ Հայաստանում անձնագրերի վավերականության ժամկետն այլևս չի երկարացվի։
«Շատ երկրներ, հատկապես ԱՄՆ–ն և Շենգեն գոտու երկրները մուտքի վիզաներ չեն տրամադրում վավերականության ժամկետը երկարացրած անձնագրերով կամ ընդհանրապես արգելում են երկիր մուտք գործել այն անձանց, ովքեր ունեն նման անձնագրեր, ինչը որոշակի անհարմարություն է առաջացնում ՀՀ քաղաքացիների շրջանում», – ասել է Եղիազարյանը։
Загружается новость ... "Лево"
ԱՄՆ դեսպանությունից հայտնում են, որ դեսպանությունը երկարաձգված անձնագրով վիզա տրամադրում է, եթե վիզայի թողարկման պահին անձնագիրը վավեր է: Հին նմուշի անձնագրերում, որտեղ դրվում է ելքի կնիք, անհրաժեշտ է, որպեսզի ելքի կնիքը վավեր լինի առնվազն մինչև ԱՄՆ-ից վերադառնալու պահը: Նոր անձնագրերում ելքի կնիք չի դրվում, ուստի վիզան տրամադրվում է վավեր անձնագրի առկայության պարագայում:
«Բացի այդ, ցանկացած ոք վավերականության ժամկետը լրացած անձնագրում վավեր ու անվնաս ԱՄՆ վիզա ունենալու պարագայում կարող է ուղևորվել ԱՄՆ՝ այդ վիզայով ու իր նոր վավեր անձնագրով, եթե իհարկե հին ու նոր անձնագրերում կենսաչափական տվյալները նույնն են»,–ասված է հաղորդագրության մեջ։ -0-