ԵՐԵՎԱՆ, 23 ապրիլի./Նովոստի–Արմենիա/. Երևանի Ազատության հրապարակից մեկնարկել է ՀՅԴ Հայաստանի Երիտասարդական միության կողմից կազմակերպվող ավանդական ջահերով երթը։
Այս տարի երթի կարգախոսն է «Պահանջում ենք արդար և ամբողջական հատուցում» կարգախոսով։
Միջոցառման սկզբում մոտ 1000 մասնակիցներ Ազատության հրապարակում այրել են Թուրքիայի դրոշը։
Այուհետև մասնակիցները երթով շարժվել են Բաղրամյան պողոտայով դեպի Ծիծեռնակաբերդի հուշահամալիր։ Ճանապարհին երթին միանում են նոր մասնակիցներ։
Հայոց ցեղասպանությունը ХХ դարի առաջին ցեղասպանությունն է։ Թուրքիան ավանդաբար մերժում է Առաջին համաշխարհային պատերազմի տարիներին շուրջ մեկուկես միլիոն հայերի զանգվածային ջարդեր իրականացնելու մեղադրանքները և չափազանց ցավագին է վերաբերվում Արևմուտքի քննադատություններին։
Հայոց ցեղասպանության փաստը ճանաչել են բազմաթիվ պետություններ։ Առաջինը ճանաչել է Ուրուգվայը 1965թ.–ին, որի օրինակին հետևել են մասնավորապես, Ռուսաստանը, Ֆրանսիան, Հոլանդիան, Բելգիան, Լեհաստանը, Լիտվան, Սլովակիան, Շվեդիան, Շվեյցարիան, Հունաստանը, Կիպրոսը, Լիբանանը, Կանադան, Վենեսուելան, Արգենտինան, Գերմանիան, Իտալիայի պատգամավորների պալատը, ԱՄՆ–ի 49 նահանգները (բացի Միսիսիպիից), Սիրիան, Լիբիայի ժամանակավոր կառավարությունը։ Հայոց ցեղասպանությունը ճանաչել են նաև Վատիկանը, Եվրոպական խորհրդարանը, Եկեղեցիների համաշխարհային խորհուրդը։–0–