24 ժամ ջուր չի լինի Երևանի վարչական շրջաններից մեկում

ԵՐԵՎԱՆ, 2 սեպտեմբերի./Նովոստի–Արմենիա/. 24–ժամյա ջրանջատում է նախատեսված Երևանի վարչական շրջաններից մեկում։ 

«Վեոլիա Ջուր» ընկերությունը տեղեկացնում է իր հաճախորդներին և սպառողներին, որ պլանային աշխատանքներով պայմանավորված, ս.թ. սեպտեմբերի 3-ի ժամը 10.00-ից մինչև սեպտեմբերի 4-ը ժամը 10.00-ն կդադարեցվի Երևանի Դավթաշեն վարչական շրջանի 3-րդ զանգվածի՝ 30, 31 շենքերի, 4-րդ զանգվածի՝ 1-31, 33/1, 51/3 շենքերի, Դավթաշեն վարչական շրջանի աշխատակազմի վարչական շենքի, Օլիմպավան և Reebok մարզահամալիրների, ՀՀ Ոստիկանության անձնագրային և վիզաների վարչության շենքի, Փիրումյան փողոցի, Ձոր-1, Ձոր-2 թաղամասերի, Միկոյան 25 շենքի ջրամատակարարումը: 

«Ընկերությունը հայցում է սպառողների ներողամտությունը պատճառված անհանգստության և կանխավ շնորհակալություն հայտնում ըմբռնման համար», – նշվում է ընկերության հաղորդագրության մեջ:–0–