ԵՐԵՎԱՆ, 14 հունիսի. /Նովոստի-Արմենիա/. ՎՏԲ-Հայաստան Բանկը հոգալով իր հաճախորդների հարմարավետության մասին՝ Երևանում և Հայաստանի մարզերում բացել է թվով 23 ինքնասպասարկման գոտիներ, որոնք հասանելի են օրը 24 ժամ, շաբաթը 7 օր: Այդ մասին հայտնում է բանկի մամուլի ծառայությունը:
Ինքնասպասարկման գոտիները հագեցած են cash-in բանկոմատներով և վճարային տերմինալներով, որոնք հնարավորություն են տալիս վճարումներ իրականացնել ավելի քան 300 ծառայությունների դիմաց:
«ՎՏԲ-Հայաստան Բանկի cash-in բանկոմատներն առավելագույնս հեշտացնում են հաճախորդների համար բանկային գործառնությունների կատարումը: Այսպիսով՝ կարելի է. անվճար առցանց քարտեր համալրել, ակնթարթորեն հասանելիություն ստանալ քարտին մուտքագրված գումարին և կատարել տարատեսակ վճարումներ, բանկոմատի միջոցով համալրել քարտը/քարտային հաշիվը՝ մուտքագրելով թղթադրամներ ոչ թե մեկական, այլ փաթեթով, փոխել քարտի PIN-ծածկագիրը, փոխանցումներ կատարել՝ քարտից քարտ, ստանալ քարտային հաշվի մինի քաղվածք, վճարել կոմունալ ծառայությունների դիմաց», - նշվում է տարածած հաղորդագրությունում:
Բանկը հայտնում է նաև, որ վճարային տերմինալների միջոցով հնարավոր է իրականացնել ավելի քան 300 գործարքներ՝ հաշվի/քարտի/ավանդի համալրումներ, ֆիզիկական/իրավաբանական անձանց և անհատ ձեռնարկատերերի վարկի մարում, կոմունալ ծառայություններ ու պետ. վճարումներ (տուգանքների, կայանատեղի և այլն վճարում):
ՎՏԲ-Հայաստան Բանկի ինքնասպասարկման գոտիները ներկայացված են ՎՏԲ-Հայաստան Բանկի հետևյալ մասնաճյուղերում: Երևան քաղաքի մասնաճյուղեր՝
· Բանկի գլխավոր մասնաշենք, Մոսկովյան 35
· “Պուշկին”, Պուշկին 3/1
· “Մյասնիկյան”, Կորյունի 6
· “Համար 35”, Բագրատունյաց 13
· “Արաբկիր”, Ազատության պ. 20
· “Սպանդարյան”, Մաշտոցի պ. 10
· “Համար 15”, Նոր Նորք, Գայի պ. 10/3
· “Համար 2”, Կոմիտասի պ. 41
· “Շահումյան”, Սեբաստիա 14
· “Շենգավիթ”, Գ.Նժդեհ 8
· “Նորք”, Բադալ Մուրադյան 1
· “Խորհրդային”, Ավան, Իսահակյան 3/1ա
· “Տիգրան Մեծ”, Տիգրան Մեծի պ. 86
· “Երվանդ Քոչար”, Տիգրան Մեծի պ. 29Ա, շինություն 99
Ինչպես նաև մարզերի մասնաճյուղերում՝
· “Գյումրի” (համար 57), Ռիժկով 5, տուն N2
· “Սիսիան”, Ն.Ադոնցի 4
· “Կամո”, Բոշնագյան 17
· “Մարտունի”, Մյասնիկյան 47/1
· “Վարդենիս”, Ռոմանի 7
· “Արմավիր”, Մյասնիկյան 15ա
· “Կոտայք”, Հանրապետության 1/66/1
· “Ագարակ”, Գ.Նժդեհ 7
· “Էջմիածին”, Բաղրամյան N2
«ՎՏԲ-Հայաստան Բանկը շարունակում է ապահովել մասնաճյուղերի հագեցվածությունը հաճախորդների հարմարավետ սպասարկման նպատակով և նախատեսում է ընդլայնել ինքնասպասարկման գոտիները մասնաճյուղերի ներսում և մասնաճյուղերից դուրս՝ հասցնելով թիվը մինչև 30», - նշում են բանկից:
«ՎՏԲ-Հայաստան Բանկ» ՓԲԸ–ն ՎՏԲ միջազգային ֆինանսական խմբի մասնակից է դարձել 2004թ. ապրիլին: «ՎՏԲ Բանկ» ԲԲԸ–ն «ՎՏԲ-Հայաստան Բանկ» ՓԲԸ–ի 100% բաժնետոմսերի փաթեթի միանձնյա բաժնետերն է։ Բանկը հիմնական ցուցանիշների մի ամբողջ շարքով մշտապես ներառվում է ՀՀ բանկային համակարգի առաջատարների թվի մեջ:–0–
