ԵՐԵՎԱՆ, 31 հունվարի. /Նովոստի-Արմենիա/. ՀՀ պաշտպանության նախարարությունը շարունակում է աշխատանքը ռուսական ՍՈՒ-30ՍՄ բազմաֆունկցիոնալ կործանիչների գնման ուղղությամբ, հինգշաբթի «Նովոստի-Արմենիա» գործակալության հետ զրույցում ասաց Պաշտպանության նախարարության մամուլի քարտուղար Արծրուն Հովհաննիսյանը:
Սոցցանցերում տեղեկություն է հայտնվել, որ Հայաստանը մտադիր է Ռոսաստանից գնել բազմաֆունկցիոնալ կործանիչներ:
«Այո, մենք աշխատում ենք այդ կործանիչների գնման ուղղությամբ», - նշեց Հովհաննիսյանը` միաժամանակ ընդգծելով, որ չի կարող մանրամասներ ներկայացնել:
2018 թ.-ի դեկտեմբերի 1-ին ՀՀ պաշտպանության նախարար Դավիթ Տոնոյանը հայտարարել էր, որ Հայաստանը և Ռուսաստանը ավարտում են ՍՈՒ-30ՍՄ կործանիչների մատակարարման պայմանագրի կնքման նախապատրաստական աշխատանքները:-0-