ԵՐԵՎԱՆ, 9 նոյեմբերի. /Նովոստի Արմենիա/. Մեր հետազոտությունները ցույց են տվել, որ Հայաստանում տարբեր աղանդների մեջ ներգրավված երիտասարդների թիվը հասնում է 150 հազարի, հայտնեց Քայքայիչ պաշտամունքներից տուժածների օգնության և վերականգնողական կենտրոնի ղեկավար Ալեքսանդր Ամարյանը։
«Աղանդավորությունը մեծ խնդիր է ամբողջ աշխարհում։ Ընդհանուր առմամբ, Հայաստանում մոտ 300 հազար մարդ ներառված է տարբեն աղանդներում», – ասաց նա։
Նրա խոսքով, նման ապակառուցողական կազմակերպությունները սկսել են ակտիվ գործունեություն ծավալել անչափահասներին ներգրավելու ուղղությամբ։
«Երիտասարդությունը միշտ շարժիչ ուժ է եղել, նա երբեք չի մտածել իր քայլերի հետևանքների մասին։ Երիտասարդները մեծ դեր են խաղում ցանկացած քաղաքական իրադարձության մեջ: Այդ իսկ պատճառով, աղանդները ներգրավում են նրանց` խոստանալով կարիերայի աճ, ֆինանսական աջկացություն», – ասաց Ամարյանը։
Նա նշեց նաև, որ աղանդներից դուրս գալու օգնություն են խնդրում չափազանց քիչ երիտասարդներ։ –0–
Ծանոթացեք լուրերին առաջինն ու քննարկեք դրանք մեր Telegram-յան ալիքում
