ԵՐԵՎԱՆ, 20 հունիսի. /Նովոստի-Արմենիա/. Այսօր ԱԺ-ում 2018 թ.-ի բյուջեի կատարողականի քննարկումների ժամանակ իր եզրափակիչ ելույթում ՀՀ վարչապետ Նիկոլ Փաշինյանը խոսել դատաիրավական համակարգի բարեփոխումների մասին։
«Ես ուզում եմ ձեզ ցույց տալ մի օրինակ, որի համար կառավարությունը թերևս ամենաշատն է քննադատվել վերջին շրջանում` դատաիրավական համակարգի բարեփոխումները», – ասաց ՀՀ վարչապետը`կոչ անելով չշտապել ու «ափալ թափալ գործողություններ չանել»:
«Որովհետև խոսվում է այն մասին, թե ինչ էր մտածում կառավարությունը, որ չէր անում այդ դատաիրավական համակարգի փոփոխությունը: Հիմա թերևս ժամանակն է այդ մասին խոսել ավելի բաց և ավելի անկեղծ: Այն, որ Հայաստանում դատաիրավական համակարգը պետք է խորքային, արմատական, ռադիկալ բարեփոխումների ենթարկվի, նորություն չէ, մենք սա գիտենք շատ երկար տարիներ: Բայց ինձ համար միանշանակ է եղել , որ Հայաստանի Հանրապետությունում իրապես անկախ դատական համակարգ չենք կարող ունենալ, հիմա ասելու եմ շատերի համար տհաճ բան` առանց դատավորների աշխատավարձը 5-6 անգամ բարձրացնելու», - նշեց վարչապետը:
Загружается новость ... "Лево"
Նա նշեց, որ անցած տարի ՀՀ-ում թերևս առաջին անգամ դիտարկվել է երևույթ, երբ դատավորների թափուր տեղերի համար հայտարարված մրցույթներին, ըստ էության, տեղի է ունեցել մի երևույթ, որը հայտնի է «недобор» անունով: Այսինքն, եղել են դատավորների թափուր տեղեր, բայց չեն եղել պատճաշ մակարդակով հավակնորդներ:
«Ինչու՞: Շատ պարզ պատճառով: Եկեք մենք մեզ դնենք այդ պոտենցիալ հավակնորդների տեղում: Գիտեն, որ կաշառք չպետք է վերցնել, հակառակ դեպքում մեծ հավանականությամբ կձերբակալվեն, գիտեն, որ բիզնեսով պետք է չզբաղվեն, որովհետև մեծ հավանականությամբ հակակոռուպցիոն մեխանիզմները կբացահայտեն դա և կպատժեն: Եվ գիտեն, որ պետք է ստանան մոտավորապես 400-ից 600 հազար դրամ աշխատավարձ, և պետք է որոշ դեպքերում մարդկանց դատապարտեն ցմահ ազատազրկման: Հմա եկեք ինոներս մեզ հարց տանք` այս պայմաններում ով՞ կուզենա Հայաստանի Հնարապետությունում լինել դատավոր: Դուք ձեզ հարց տվեք: Ինքներդ այս պահին կուզենա՞ք լինել ՀՀ-ում դատավոր: Սա շատ կարևոր է, որովհետև երբ ասում ենք դատավորների աշխատավարձ, սկսում են հիշել կոռումպացված դատավորներին», - ասաց նա:
Ըստ նրա, եթե ինչ-ինչ կարգապահական կոռուպցիոն գործունեություններով նրանց տեղերը ազատվեցին, ո՞վ է գալու նրանց փոխարեն: «Մեզ անհրաժեշտ է, որ թափուր տեղերը զբաղեցնեն բարձր պրոֆեսիոնալ, ողնաշար ունեցող, տեսլական ունեցող, հավատ ունեցող և իրավունքին հավատացող մարդիկ: Եվ այս մասնագետներն այսօր մասնավոր սեկտորում իրավաբանական խորհրդատվության համար ամիսը ստանում են 2.5-3 մլն դրամ աշխատավարձ: Նույնիսկ շատ: Հիմա այս մարդկանց մենք ո՞նց հրավիրենք, խնդրենք, որպեսզի իրենք գան, դառնան դատավոր: Իմ հավատը եղել և մնում է այն, որ առանց այսպիսի խնդրի լուծման մենք չենք կարող իրապես անկախ դատական համակարգ ունենալ: Բարձր պրոֆիլի մասնագետը գա դատավոր աշխատի և, օրինակ, չկարողանա իր երեխայի ուսման վարձը վճարել», - ասաց Նիկոլ Փաշինյանը:
Որպես երկրորդ հարցը նա նշեց. «Կարո՞ղ էինք, արդյոք, մենք 2018 թ.-ին գնալ այսպիսի քայլի: Ոչ` երկու պատճառով: Առաջինը, նախ, ամենակարևոր պատճառը` հանրայնորեն այսպիսի որոշումը չէր կարող ընկալվել: Եվ այսօր էլ չի կարող ընկալվել: Եվ այս տարի մենք, ըստ ըության, բյուջեով ունենք նման հնարավորություն, կարող ենք նման հարց լուծել: Ինչն է եղել պատճառը, որովհետև հանրային բավարար ընկալում այդ պրոցեսի կարևորության նկատմամբ չի ձևավորվել: Հանրությունն այդպես էլ չի հասկացել` ինչ է անում այս բարեփոխիչը, և սեփական մաշկի վրա չի զգացել դրա անհրաժեշտությունը», - ասաց նա:
Ըստ նրա, դատավարների աշխատավարձը, առավել ևս գործող կազմի աշխատավարձը բարձրացնելը բազմաթիվ պրոբլեմներ ունի, այդ թվում` հանրային ընկալման տեսակետից:
«Մանավանդ, որ բազմաթիվ սոցիալական խնդիրներ լուծված չեն, և մեր ընկալումը այն է, որ մեր գործընկերները, միջազգային դոնորներն այս հարցում Հայաստանին կաջակցեն, մենք 2-3 տարի դատավորների, նոր ներգրավված դատավորների աշխատավարձերը կկարողանանք դարձնել 2.5 մլն դրամից 3 մլն դրամ: Այսինքն դա մեր պետական բյուջեի վրա ուղիղ ազդեցություն չի ունեա: Այդ ընթացքում, ես համոզված եմ, մենք կլուծենք բազմաթիվ սոցիալական խնդիրներ,այդ ընթացքում և′ ընդդիմությունը, և′ իշխանությունը, և′ քաղաքացիական հասարակությունը, և′ հանրությունը կհամոզվի, որ անկախ դատական համակարգ ունենալը լավ բան է: Դա բխում է բոլորի շահերից, դա ապահովում է բոլորիս անվտանգությունը, ուրեմն դա մի ծախս է, որնիսկապեսարժի անել», - ասաց նա:-0-