ԵՐԵՎԱՆ, 20 փետրվարի./Նովոստի–Արմենիա/. ՀՀ քննչական կոմիտեի Երևանի քննչական վարչության Մալաթիա-Սեբաստիա վարչական շրջանի քննչական բաժնում քննություն է տարվում՝ պարզելու 30-ամյա տղամարդու մահվան հանգամանքները։
Ինչպես հայտնում է Քննչական կոմիտեի մամուլի ծառայությունը, փետրվարի 18–ին ժամը 21.30-ին, «Աստղիկ» բ/կ-ից ահազանգ է ստացվել, որ Երևան քաղաքի ՀԱԹ Շրջանային 2/2 հասցեում գտնվող «Ագաթ» ինստիտուտի մոտ հայտնաբերվել է 25-ից 30 տարեկան ինքնությունը չպարզված տղամարդու դիակ:
Ճանաչված բժիշկի թոռան դին է հայտնաբերվել Երևանում>>
Դեպքի վայրի զննությամբ՝ ինստիտուտի հարակից տարածքի ճանապարհի երթևեկելի մասից դուրս, հողածածկ տարածքում, հայտնաբերվել է արական սեռի դիակ։ Պարզվել է մահացածի ինքնությունը, ով 1985թ. ծնված, Երևան քաղաքի բնակիչ Կառլեն Ակունցն է:
Ճանաչված բժիշկի թոռան դին է հայտնաբերվել Երևանում>>
Դիակի արտաքին զննությամբ դատաբժիշկ փորձագետի կողմից բռնության ակնհայտ հետքեր չեն հայտնաբերվել:
Մահվան պատճառը պարզելու նպատակով նշանակվել է դիակի դատաբժշկական փորձաքննություն, որի կատարումը հանձնարարվել է ՀՀ ԱՆ ԴԲՓԳԳԿ-ին:
Ձեռնարկված միջոցառումների արդյունքում տվյալներ են ձեռք բերվել առ այն, որ երիտասարդը դեպքի օրն օգտագործել է «մեթադոն» տեսակի թմրամիջոց, ինչից հետո նրա ինքնազգացողությունը կտրուկ վատացել է։
Հարուցվել է քրեական գործ ՀՀ քրեական օրենսգրքի 266-րդ հոդվածի 1-ին մասի հատկանիշներով։
Ձեռնարկվում են անհրաժեշտ քննչական գործողություններ՝ երիտասարդի մահվան հանգամանքները, նրան թմրամիջոց իրացրած անձի ինքնությունը պարզելու ուղղությամբ։
Նշանակվել է դատաքիմիական փորձաքննություն։
Քննության արդյունքների մասին տեղեկություն կտրամադրվի լրացուցիչ։
Ինչպես հայտնում է shamshyan.com կայքը, շատ տարիներ առաջ նրա հայրը նույնպես ողբերգական մահ է ունեցել, պապը հայտնի բժիշկ էր, մայրը` հայտնի միկրովիրաբույժ Նունե Ակունցն է։–0–