ԵՐԵՎԱՆ, 23 նոյեմբերի. /Նովոստի–Արմենիա/. Երևանի սուպերմարկետներում ձվի վաճառքի բաժիններում վերջին օրերին ակտիվ շարժ է նկատվում: Խանութների աշխատակիցներն օրվա մի զգալի մասն անցկացնում են ձվի նոր խմբաքանակները տաղավարներում տեսակավորելու վրա, գրում է «Հայկական ժամանակը»։
Загружается новость ... "Лево"
Բացի շարժից, նաև գինն է բարձրացել: Մոտ մեկ շաբաթ առաջ ձվի միջին գինը տատանվում էր 60-ից 70 դրամի սահմաններում, ապա այժմ 70-ից 90 դրամ է:
Գյուղնախարարության ՍԱՊԾ-ից թերթին հայտնել են, որ վերջին մեկ ամսում ձվի ներկրման մեկ խմբաքանակի համար է տրվել թույլտվություն: Խմբաքանակը ներմուծվել է ՌԴ-ից:
«Սա վկայում է նաև այն մասին, որ Հայաստանի թռչնաբուծական ֆաբրիկաների արտադրած ձուն չի բավարարում ներքին սպառման շուկայի համար», – նշում են հոդվածի հեղինակները։–0–