ԵՐԵՎԱՆ, 31 օգոստոսի. /Նովոստի-Արմենիա/. Հուլիսի 28-ին հակառակորդի կրակոցից զոհված ՀՀ ԶՈւ պայմանագրային զինծառայող Արման Արայիկի Բուլղադարյանը հետմահու պարգևատրվել է: Համապատասխան հրամանագիր է ստորագրել նախագահ Արմեն Սարգսյանը:
«Հայրենիքի սահմանները պաշտպանելիս ցուցաբերած խիզախության և անձնվիրության համար թիվ N զորամասի պայմանագրային զինծառայող, կրտսեր սերժանտ Արման Արայիկի Բուլղադարյանին հետմահու պարգևատրել Մարտական ծառայության մեդալով»,- նշվում է նախագահի հրամանագրում:
Հիշեցնենք, որ հուլիսի 28-ին ՀՀ սահմանի հյուսիս-արևելյան հատվածում հակառակորդի կրակոցից զոհվել է ՀՀ ԶՈւ պայմանագրային զինծառայող 1995թ. ծնված Արման Արայիկի Բուլղադարյանը։-0-