ԵՐԵՎԱՆ, 9 նոյեմբերի. /Նովոստի Արմենիա/. Անցած գիշեր Երևանում թափվել է ամբողջ նոյեմբեր ամսվա տեղումների քանակի չափ անձրև, այս մասին Facebook–յան իր էջում գրել է ՀՀ ԱԻՆ Հիդրոմետ ծառայության Օդերևութաբանության կենտրոնի պետ Գագիկ Սուրենյանը։
Հայպետհիդրոմետի կանխատեսմամբ, նոյեմբերի 9-10-ը շրջանների զգալի մասում ժամանակ առ ժամանակ սպասվում է անձրև, 9-ին Արարատի և Վայոց Ձորի մարզերում՝ ինտենսիվ: Նոյեմբերի 11-13-ը սպասվում է առանց տեղումների եղանակ:
Քամին` արևմտյան՝ 3-8 մ/վ:
Օդի ջերմաստիճանը նոյեմբերի 9-10-ը` հատկապես ցերեկը, կնվազի 2-4 աստիճանով:
Երևանում նոյեմբերի 9-10-ը սպասվում է անձրև, 11-13-ը`առանց տեղումների եղանակ:
Երևանում այսօր ցերեկային ժամերին սպասվում է +13...+15 աստիճան, երեկոյան` +9...+11 աստիճան, կտեղան անձրևներ։ Վաղը գիշերը կանխատեսվում է +6...+8, ցերեկը` +12...+14, երեկոյան ժամերին` +6...+8 աստիճան, կլինի անձրևային եղանակ։ –0–