ԵՐԵՎԱՆ, 18 դեկտեմբերի. /Նովոստի–Արմենիա/. Ուրբաթ Երևանում տեղի է ունեցել «Նովոստի–Արմենիա» միջազգային լրատվության գործակալության Փորձագիտական ակումբի առաջին նիստը, որի թեման էր դեկտեմբերի 19–ին Բեռնում կայանալիք Հայաստանի և Ադրբեջանի նախագահներ Սերժ Սարգսյանի ու Իլհամ Ալիևի հանդիպումը։
Ինչպես նշեց նիստի մասնակից, Կովկասի ինստիտուտի քաղաքական ուսումնասիրությունների դեպարտամենտի ղեկավար, քաղաքագետ Սերգեյ Մինասյանը, ԱՄԻ «Նովոստի–Արմենիայի» Փորձագիտական ակումբի ստեղծումը շատ կարևոր քայլ է հանրապետության քաղաքական, գիտական, լրագրողական և հասարակական ոլորտներում։
ԱՊՀ երկրների ինստիտուտի հայկական մասնաճյուղի տնօրեն, քաղաքագետ Ալեքսանդր Մարգարովն իր հերթին վստահություն հայտնեց, որ «Նովոստի–Արմենիա» գործակալության Փորձագիտական ակումբը լուրջ վերլուծական հարթակ կդառնա։
«Հայաստանում այսօր կան բազմաթիվ փորձագիտական հարթակներ, սակայն ես վստահ եմ, որ այս հարթակը կստեղծի փորձագիտական և վերլուծական միջավայր, կթելադրի միտումներ», – ասաց Մարգարովը։
ԱՄԻ «Նովոստի–Արմենիայի» Փորձագիտական ակումբի առաջին նիստի լուսանկարները կարելի է դիտել այստեղ>>
«ԱՌԿԱ» լրատվական գործակալության տնօրեն, ԱՄԻ «Նովոստի–Արմենիայի» խորհրդի նախագահ Կոնստանտին Պետրոսովն ընդգծեց, որ Փորձագիտական ակումբը ստեղծվել է նաև հայկական մեդիադաշտի կարիքները բավարարելու համար։
«Ցանկացած լրատվամիջոցի համար գլխավորը փորձագետներից օպերատիվ մեկնաբանություններ ստանալու հնարավորությունն է։ Այդ պատճառով էլ մենք ստեղծել ենք Փորձագիտական ակումբն ու նախատեսում ենք, որ այն կգործի հենց մեր գործընկերների կարիքները բավարարելու համար», – ավելացրեց նա։
Ակումբի նպատակն է «Նովոստի–Արմենիա» գործակալության (newsarmenia.am) հարթակի միջոցով քննարկել Հայաստանի քաղաքական, տնտեսական և սոցիալական օրակարգին վերաբերող ամենակարևոր խնդիրները։
«Նովոստի–Արմենիա» գործակալությունը մեջբերմամբ կայուն, առաջատար դիրքեր է զբաղեցնում արտասահմանյան ԶԼՄ–ներում` լինելով Հայաստանից ստացվող հավաստի և օպերատիվ տեղեկատվության հուսալի աղբյուր։
Հիմա www.newsarmenia.am գործակալության կայքում ամսական դիտումների թիվը գերազանցում է 500 հազարը, ընդ որում` դրանց կեսը բաժին է ընկնում Հայաստանի ընթերցողներին։
ԱՄԻ «Նովոստի–Արմենիա» գործակալությունը (www.newsarmenia.am) 1996 թվականի մայիսի 1–ից գործող «ԱՌԿԱ» հեղինակավոր մեդիահոլդինգի մի մասն է։ Այսօր «ԱՌԿԱ» մեդիահոլդինգի կազմում են նաև` www.telecom.arka.am և բարձր տեխնոլոգիաների պորտալը, www.armbanks.am ֆինանսաբանկային պորտալը, www.finstore.am գործարար տեղեկատվության ինտերնետ–խանութը, Adnet.am գովազդային ցանցը, ԱՌԿԱ Style կայքը և MediaGid.am լրատվական ագրեգատորը։ -0-
