ԵՐԵՎԱՆ, 28 նոյեմբերի. /Նովոստի-Արմենիա/. Հայաստանում Հարկային օրենսգրքի փոփոխություննից հետո միկրոբիզնեսը լիովին կազատվի հարկերից: Այս մասին չորեքշաբթի ընտրողների հետ հանդիպմանը հայտարարեց ՀՀ վարչապետի պաշտոնակատար Նիկոլ Փաշինյանը:
«Չեմ կարող ասել, թե երբ կոնկրետ, քանի որ դա կախված է քաղաքական իրավիճակից, սակայն երբ փոխվի Հարկային օրենսգիրքը, միկրոբիզնեսը լիովին կազատվի հարկերից: Այլ խոսքերով, տարեկան 20-24 մլն դրամ շրջանառություն ունեցող բիզնեսը կազատվի հրկերից: Իսկ այդպիսի բիզնեսը մեզ մոտ բավականին տարածված է մարզերում, այդ թվում`Նոյեմբերյանում«, - ասաց Փաշինյանը:
ՀՀ վարչապետի պաշտոնակատարը հայտարարեց նաև, որ հաջորդ տարի մասնավոր տաքսիների վարորդները կազատվեն տաքսի վարելու լիցենզիայի վճարումից:
Загружается новость ... "Лево"
«Մենք դա անում ենք, որպեսզի մեև երկրում խրախուսենք աշխատանքը և աշխատող մարդկանց», - հայտարարեց Փաշինյանը:
Հայաստանի վարչապետ Նիկոլ Փաշինյանը հոկտեմբերի 16-ին հրաժարական տվեց` խորհրդարանի արձակման և արտահերթ խորհրդարանական ընտրություններ անցկացնելու նպատակով: Նոյեմբերի 1-ի արտահերթ նիստում պատգամավորները երկրորդ անգամ չընտրեցին վարչապետ, և, Սահմանադրությանը համապատասխան, խորհրդարանն արձակվեց իրավունքի ուժով: Նույն օրը Հայաստանի նախագահ Արմեն Սարգսյանը հրամանագիր ստորագրեց արտահերթ խորհրդարանական ընտրությունները դեկտեմբերի 9-ին անցկացնելու վերաբերյալ:
Ըստ ԿԸՀ–ի, ընտրութթյուններին մասնակցելու հայտ են ներկայացրել 11 քաղաքական կուսակցություններ և դաշինքներ: Փաստաթղթեր են ներկայացրել «Իմ քայլը» դաշինքը, «Բարգավաճ Հայաստան» կուսակցությունը, «Ազգային առաջընթաց», «Քրիստոնեաժողովրդական վերածնունդ» կուսակցությունները, «Սասնա ծռեր» համահայկական կուսակցությունը, «Օրինաց երկիր» կուսակցությունը, «Մենք» կուսակցական դաշինքը, ՀՅԴ–ն, «Լուսավոր Հայաստան» կուսակցությունը, Հայաստանի հանրապետական կուսակցությունը, «Քաղաքացու որոշում» սոցիալ–դեմոկրատական կուսակցությունը։–0–