ԵՐԵՎԱՆ, 1 դեկտեմբերի․ /Նովոստի-Արմենիա/․ Գեներալ Մանվել Գրիգորյանը Հայաստանի տարբեր մարզերում ապօրինի սեփականաշնորհել է ավելի քան 40 օբյեկտ, և այդ օբյեկտները կվերադարձվեն պետությանը, շաբաթ օրը Քաջարանում անցկացված նախընտրական հանրահավաքի ժամանակ հայտարարեց ՀՀ վարչապետի պաշտոնակատար Նիկոլ Փաշինյանը։
Ավելի վաղ, ՀՀ հատուկ քննչական ծառայության ղեկավար Սասուն Խաչատրյանը հայտնել է, որ գեներալ Մանվել Գրիգորյանի կողմից ձեռք բերված մոտ 40 անուն անշարժ գույքը կփոխանցվի համայնքներին։
Загружается новость ...
"Право"
«ՀՀ հատուկ քննչական ծառայությունն արդեն պարզել է, որ Արմավիրի և Տավուշի մարզերում Մանվել Գրիգորյանի կողմից ձեռք բերված ավելի քան 40 օբյեկտներ անցել են իր սեփականության տակ անօրինական ձևով», - հայտարարեց Փաշինյանը։
Նա նշեց նաև, որ Տարածքային կառավարման նախարարությանը հանձնարարական է տրված դիմել այն համայնքների, որոնց տիրույթում էին գտնվում նշված օբյեկտները, որպեսզի նրանք դատական կարգով վերականգնեն իրենց սեփականության իրավունքը։
«Ինչպես և խոստացել ենք «թավշյա հեղափոխության» ժամանակ, ամեն ինչ մինչև վերջին կոպեկը պետք է վերադարձվի ժողովրդին», - հայտարարեց Փաշինյանը։–0–