ԵՐԵՎԱՆ, 20 դեկտեմբերի. /Նովոստի–Արմենիա/. ՀՀ մշակույթի նախարարության աշխատակիցները բողոքի ակցիա են կանցկացնեն պետական գերատեսչությունների միավորման դեմ, Facebook–յան իր էջում գրել է Հայաստանի մշակութային հիմնադրամի գլխավոր տնօրեն Մանուկ Նիգոյանը։
Նա նշել է, որ կառավարության որոշման նախագծի համաձայն հունվարի 1-ից ՀՀ մշակույթի նախարարությությունը կկցվի ՀՀ կրթության և գիտության նախարարությանը, կազմելով ՀՀ կրթության, գիտության, մշակույթի և սպորտի նախարարություն:
«Բոլոր լրատվամիջոցներին կոչ եմ անում առավոտյան 9:00-ին լինել Կառավարության 2-րդ մասնաշենքի մոտ, որտեղ նախարարության աշխատակիցները կհայտնեն իրենց դիրքորոշումն ու բողոքը», – գրել է Նիգոյանը։
Ինչպես ավելի վաղ հաղորդել էր Civil.net պորտալը, կառավարության կառուցվածքի փոփոխության արդյունքում Հայաստանում 17 նախարարությունից կմնա 12 նախարարություն։ Մասնավորապես, նախատեսվում է առաջին փոխվարչապետի հաստիքի կրճատում։ Քննարկվում է փոխվարչապետերի թիվը երեքից մեկի հասցնելու հարցը։ Ըստ փոփոխությունների՝ սփյուռքի նախարարությունը լուծարվում է։ Քննարկվում է տարբերակ, ըստ որի, սփյուռքի հետ կապերը համակարգվելու են փոխվարչապետի գրասենյակի կողմից։ Ստեղծվելու է ենթակառուցվածքների և պետգույքի նախարարություն։ Այս նախարարությունն իր մեջ ներառելու է տրանսպորտի, էներգետիկայի և պետգույքի ոլորտները։ Նոր նախարարությունը դառնալու է ամենախոշոր նախարարություններից մեկը։ «Տրանսպորտի, կապի և տեղեկատվական տեխնոլոգիաների նախարարությունը դառնալու է կապի և բարձր տեխնոլոգիաների նախարարություն։ Նախատեսվում է, որ կմիավորվեն տնտեսական զարգացման և գյուղատնտեսության նախարարությունները։
Աշխատանքի և սոցիալական հարցերի նախարարությունը կմիավորվի տարածքային կառավարման և զարգացման նախարարության հետ։ Մշակույթի, սպորտի և երիտասարդության նախարարությունները միավորվելու են կրթության և գիտության նախարարության հետ։ Որպես առանձին նախարարություններ կշարունակեն գործել ֆինանսների, արդադարադատության, առողջապահության և բնապահպանության նախարարությունները։–0–
