Մշակույթի նախարարությունը վեց անգամ կավելացնի կինոթատրոների թիվը Հայաստանում

ԵՐԵՎԱՆ, 6 նոյեմբերի. /Նովոստի Արմենիա/. ՀՀ մշակույթի նախարարությունը 2018 թվականին նախատեսում է ստեղծել կինոթատրոնների խոշոր ցանցի նախագիծ, որը ներկայիս հինգ կինոթատրոնների փոխարեն կներառի մինչև 30 կինոթատրոն, այս մասին երկուշաբթի խորհրդարանում ասաց ՀՀ մշակույթի նախարար Արմեն Ամիրյանը։

«Ցանցի առկայությունը թույլ կտա այս ոլորտի ներկայացուցիչներին առնվազն 3–4 անգամ ավելացնել ֆիլմերից ստացած շահույթը և ապահովել այս ոլորտի որակական զարգացումը», – ասաց Ամիրյանը։

Նախարարը նշեց, որ ոլորտը զարգացնելու համար անհրաժեշտ է ապահովել ներքին պահանջարկ, քանի որ այսօրվա դրությամբ ներքին արտադրանքի ֆիլմերի վարձույթը հավաքում է առավելագույն է 80–100 մլն դրամ, ինչը բավարար չէ բարձրորակ ֆիլմեր նկարահանելու համար։

Նա նշեց նաև, որ ծրագիրը մշակելուց հետո կանցկացվեն խորհրդակցություններ մասնավոր ներդրողների և համաշխարհային կարգի խոշոր կինոցանցերի հետ։ –0–