551.07
7.36
487.5
+7
Եղանակը Երևանում
Հայ

«Կամար» բիզնես կենտրոն. կամուրջ ավանդույթների և մոդեռնի միջև, կանաչ տեխնոլոգիաներ և պատմական բացառիկ գտածոներ (ՖՈՏՈ)

20:19
15 Հունիսի 2018

ԵՐԵՎԱՆ, 15 հունիսի./Նովոստի–Արմենիա/. Երևանում շահագործման է հանձնվել «Կամար» նոր բիզնես կենտրոնը, որը կառուցվել է շուրջ 100 տարի առաջ հիմնադրված Թիֆլիսի առևտրային բանկի և հայկական Գյուղատնտեսական բանկի տեղում։ Նոր կենտրոնը միավորել է հին Էրիվանի ճարտարապետական լուծումները, ինչպես նաև մոդեռն մոտեցումներն ու լուծումները։

Բիզնես կենտրոնի տնօրեն Արտաշես Կազախեցյանը խոսել է այն մասին, թե ինչ է իրենից ներկայացնում շենքի նոր հայեցակարգը, ինչ հետաքրքիր «կանաչ» լուծումներ են գործարկվել կառուցման ժամանակ և պատմական ինչ բացառիկ գտածոներ են իրականացվել շինարարության ժամանակ։

Ներդրումներ` հանուն զարգացման

Բիզնես կենտրոնի շենքի շինարարությամբ զբաղվել է «Prodeco» ընկերությունը (Property Development Company), որը ներառված է «Ամերիա» ընկերությունների խմբում։ Ինչպես նշում է Կազախցյանը, «Ամերիան», ներդրումներ կատարելիս, միշտ հավատարիմ է ոչ միայն եկամուտ ստանալու նպատակին, այլև փորձում է լրացուցիչ ներդնել նորարարության տարրեր և լինել մեկ քայլ առաջ։

Նրա խոսքով, նախագծի իրականացմանն ուղղվել է 25 մլն դոլար, որոնք ներգրավվել են մասնավոր ներդրումների հաշվին։

«Prodeco–ն միջոցներ է ներգրավել ոչ թե որպես անշարժ գույքում իրականացվող ներդրումներ, այլև` փորձ` կառուցելու գերժամանակակից ճարտարապետական լուծումներով շինություն և ապահովելու «կանաչ տեխնոլոգիաների» սկզբունքները` միաժամանակ ապահովելով շինության էներգախնայողությունը», – ասաց Կազախեցյանը։

Նշելով, որ շենքն առանձնանում է այլ բիզնես կենտրոններից` Կազախեցյանն ընդգծեց «կանաչ» տեխնոլոգիաների կիրառումը, ինչպես նաև ձգտումը` ներդաշնակորեն համադրելու հին հայկական, երևանյան ճարտարապետական ավանդույթները ժամանակակից նորարարական լուծումների հետ` ապակու և մետաղի կիրառմամբ։

Ամեն նորը լավ մոռացված հինն է

Бизнес центр Америабанк

Ինչպես նշում է բիզնես կենտրոնի տնօրենը, շենքի կառուցման ժամանակ հիմնական նպատակն էր պահպանել «երևանյան անկյունն» ու հին տարրերը, ինչի համար ծախսվել է զգալի ժամանակ և ռեսուրս, այդ թվում` հին շենքի և դրա հետագա վերականգնման թվայնացման մասով։

Նոր կենտրոնի շենքը կարծես հենվում է հին շենքերի երկու ճակատների վրա, որոնք կառուցվել են այս նույն վայրում նախորդ դարասկզբին։ Նոր շինությունն ամբողջությամբ ընկալելու համար հարկավոր է դրան նայել կողքից։ Աջ կողմից տեղակայվել է 1910 թ.–ին կառուցված Թիֆլիսի առևտրային բանկի շենքը, որը կառուցվել է Ամասիայի սև տուֆից` թիֆլիսահայ ճարտարապետ Միքայել Օհանջանյանի նախագծով։

Այս շենքում մեկ դար շարունակ միշտ տեղակայված են եղել ֆինանսական կառույցներ, բանկեր, իսկ այսօր այստեղ է գտնվում Ամերիաբանկի մասնաճյուղը` պահպանելով շինության ավանդույթները։ Մուտքից ձախակողմյա հատվածում գտնվում է Գյուղատնտեսական բանկի շենքը, որը կառուցվել է 1926 թ.–ին` ճարտարապետ Նիկոլայ Բունիաթյանի նախագծով, որի կառուցման գաղափարը պատկանում է Ալեքսանդր Թամանյանին։ Շենքը կառուցված է մոխրագույն բազալտից։ 

Նախագծի հեղինակների` ճարտարապետ Ռուբեն Հասրաթյանի և քանդակագործ Դավիթ Երևանցու մտահղացմամբ, կենտրոնում, իրենց պատմական նախորդներից մի փոքր այն կողմ գտնվում է բիզնես կենտրոնի շենքը, որի մուտքի խորհրդավոր կամարը, կարծես, յուրօրինակ կամուրջ է պատմության և արդիականության միջև: Կամարի կենտրոնում «կենաց ծառն» է` երկարակեցության և բարգավաճման հայկական ավանդական խորհրդանիշերից մեկը: 

Միաժամանակ, սև տուֆից կառուցված հին շենքի տարրերն օգտագործվում են նաև շենքի ինտերիերում` ստեղծելով պատմական ժառանգության պահպանման ընդհանուր մթնոլորտ։

 «Կանաչ» պատ և տեխնոլոգիաներ 

Бизнес центр Америабанк

Բիզնես կենտրոնի շենքը, դեռ չհասցնելով գործարկվել, արդեն ռեկորդներ է գրանցել։ Բիզնես կենտրոնի նախագիծը դարձել է առաջինը Հայաստանում, որը հավաստագիր է ստացել BREEM հեղինակավոր բրիտանական ընկերության կողմից, որն իրականացնում է շինությունների`«կանաչ» տեխնոլոգիաներին համապատասխանության ուսումնասիրություն և հավաստագրում։ 

Երկրորդ ռեկորդը «կանաչ» պատն է, որը Եվրոպայի ամենաբարձր «կենդանի» պատն է, ունի 20 մ բարձրություն,  ընդհանուր մակերեսը կազմում է 160 քմ։ Նախագիծն իրականացրել է Green Lad ընկերությունը` Novintiss ֆրանսիական ընկերության տեխնոլոգիաներով։ Ուղղահայաց կանաչապատման ամենակարևոր առավելությունը յուրահատուկ թարմությունն ու բնական տեսքն է, որ ունի շինությունը։ Բացի այդ, «կանաչ» պատը կատարում է օդի զտում, ջերմամեկուսացում և նվազեցնում է աղմուկը։ Այն ծառայում է նաև որպես արևի ճառագայթներից պաշտպանող ծածկ` մեղմացնելով շոգը 8–10 աստիճանով։ 

Անհրաժեշտ խոնավությունն ապահովելու համար յուրաքանչյուր պատի տակ կառուցվել են փոքրիկ ջրվեժներ, որտեղից ջուրը գոլորշիանում է` ստեղծելով լրացուցիչ խոնավություն։ 

Արխիվային գտածոներ

Бизнес центр Америабанк

Հին ավանդույթներին և ճարտարապետական լուծումներին համապատասխան շինություն կառուցելու համար վեր են հանվել բազմաթիվ արխիվային փաստաթղթեր ինչպես Երևանից, այնպես էլ Թբիլիսիից։ Շինարարությունը տևել է երեք տարի, այդ ընթացքում ճարտարապետներն ու նախագծի մշակողները վերանայել են բազմաթիվ փաստաթղթեր, լուսանկարներ և կատարել են բացառիկ գտածոներ, որոնք տեղակայված են շենքի թանգարանային հատվածում։

Թանգարանում ներկայացված են հարյուրամյա վաղեմություն ունեցող լուսանկարներ, որտեղ ներկայացված է Շահումյան հրապարակը (այնտեղ մինչ օրս գտնվում է շենքը), Թիֆլիսի առևտրային բանկի գործունեության մասին պատմական փաստեր, փաստաթղթեր բանկի հիմնադրման որոշման մասին։ Ցուցանմուշների թվում կարելի է տեսնել մեկդարյա վաղեմության պարտատոմսեր, որոնք գտնվել են շենքի հիմքի տակ, ինչպես նաև Թիֆլիսի առևտրային բանկի կնիքը։

Արխիվային նյութերի ուսումնասիրությունների ժամանակ բացահայտվել է «Սև» շենքի իրական ճարտարապետը` Միքայել Օհանջանյանը։ Մինչև վերջերս շենքի ճարտարապետն էր համարվում Բորիս Մեհրաբյանը։ 

Թանգարանում կարելի է նաև ծանոթանալ շինությունների պատմությանը, իմանալ,թե ինչ ընկերություններ են տեղակայվել այդ շինություններում տարբեր  տարիներին։

Բացառիկ շինության նոր բնակիչները 

Бизнес центр Америабанк

Ինչպես նշում է Կազախեցյանը, չնայած որ բիզնես կենտրոնի շենքը նոր է բացվել, այն արդեն համալրված է։ Շենքն ունի 9 հարկ, ինչպես նաև երկու ստորգետնյա հարկ, որտեղ կառուցվել է կայանատեղի`նախատեսված 100 մեքենայի համար։ Բիզնես կենտրոնի տարածքի հիմնական մասը զբաղեցնում է Ամերիաբանկը, բացի այդ շենքում են տեղակայվել Զանգեզուրի պղնձամոլիբդենային կոմբինատի, «Ռոսգոսստրախ» ընկերության, Philip Morris–ի երևանյան ստորաբաժանման գրասենյակները, ինչպես նաև Մեծ Բրիտանիայի դեսպանատունն ու Ասիական զարգացման բանկը։–0–
Թեմատիկ նյութեր
Բաժնի այլ նյութեր
15:12
20 Փետրվարի 2019
Live զուգարանից. տրանսպորտի նախարարն այցելել է Երևանի կենտրոնական ավտոկայան (ՎԻԴԵՈ)
Live զուգարանից. տրանսպորտի նախարարն այցելել է Երևանի կենտրոնական ավտոկայան։
12:59
20 Փետրվարի 2019
Բացահայտվել են ԵՊՀ-ում կատարված ապօրինությունները. ՄԱՆՐԱՄԱՍՆԵՐ (ՎԻԴԵՈ)
Բացահայտվել են ԵՊՀ-ում կատարված ապօրինությունները. ՄԱՆՐԱՄԱՍՆԵՐ:
10:27
20 Փետրվարի 2019
Անհետ կորած 12–ամյա Հրաչյա Բադասյանը հայտնաբերվել է
Անհետ կորած 12–ամյա Հրաչյա Բադասյանը հայտնաբերվել է:
10:18
20 Փետրվարի 2019
Անակնկալ օդերևութաբաններից. եղանակը կուրախացնի հայաստանցիներին
Անակնկալ օդերևութաբաններից. եղանակը կուրախացնի հայաստանցիներին:
08:00
20 Փետրվարի 2019
Երեքշաբթի` փետրվարի 19–ի առավել ուշագրավ նորությունները
«Նովոստի–Արմենիա» գործակալությունը ներկայացնում է երեքշաբթի` փետրվարի 19–ի առավել ուշագրավ նորությունների սեփական տարբերակը։
21:24
19 Փետրվարի 2019
Փաշինյանը զբոսնել է Երևանում և անցորդներին գիրք նվիրել (ՎԻԴԵՈ)
Նիկոլ Փաշինյանը զբոսնել է Երևանում և անցորդներին գիրք նվիրել։
20:00
19 Փետրվարի 2019
Սերժ Սարգսյանի եղբայրը ներգրավվել է որպես մեղադրյալ. փաստաբան
Սերժ Սարգսյանի եղբայրը` Ալեքսանդր Սարգսյանը, ներգրավվել է որպես մեղադրյալ։
17:52
19 Փետրվարի 2019
Փոփոխությունների քամի. Սուրենյանը հուսադրել է հայաստանցիներին
Փոփոխությունների քամի. Սուրենյանը հուսադրել է հայաստանցիներին:
17:39
19 Փետրվարի 2019
Ինձ իրավունք եմ վերապահում Թումանյանի անունից ասել հայ ժողովրդին՝ վեր կաց և քայլիր. Փաշինյանը Հովհաննես Թումանյանի 150-ամյակի առթիվ այցելել է Դսեղ (ՖՈՏՈ, ՎԻԴԵՈ)
Նիկոլ Փաշինյանը տիկնոջ` Աննա Հակոբյանի և դստեր հետ, այսօր Ամենայն հայոց բանաստեղծ Հովհաննես Թումանյանի 150-ամյակի առթիվ այցելել է բանաստեղծի ծննդավայր` Դսեղ:
16:18
19 Փետրվարի 2019
ԱԱԾ–ն մանրամասներ է հայտնել Քոչարյանի ավագ որդու` Սեդրակ Քոչարյանի մասին քրգործով
ԱԱԾ–ն մանրամասներ է հայտնել Քոչարյանի ավագ որդու` Սեդրակ Քոչարյանի մասին քրգործով:
15:49
19 Փետրվարի 2019
Սերժ Սարգսյանի եղբայր Ալեքսանդր Սարգսյանը պետբյուջե է վերադարձրել 18,մլն դոլար. ավելի վաղ Փաշինյանը պահանջել է վերադարձնել 30 մլն
Սերժ Սարգսյանի եղբայր Ալեքսանդր Սարգսյանը պետբյուջե է վերադարձրել 18,մլն դոլար. ավելի վաղ Փաշինյանը պահանջել է վերադարձնել 30 մլն:
15:30
19 Փետրվարի 2019
Ոսկյա զարդեր են հայտնաբերվել քաղաքացու մարմնի տարբեր հատվածներից
«Բագրատաշեն» պետական սահմանային անցակետում մաքսանենգության կասկածանքով զննման է ենթարկվել ՀՀ քաղաքացի։