ԵՐԵՎԱՆ, 7 մարտի. /Նովոստի-Արմենիա/. Հայաստանի կառավարությունը հինգշաբթի նիստում որոշում է ընդունել «Երիտասարդ ընտանիքին` մատչելի բնակարան» վարկային ծրագրի պայմանների փոփոխության մասին:
Ինչպես նշեց սպորտի և երիտասարդության հարցերով փոխնախարարի պաշտոնակատար Գաբրիել Ղազարյանը, փոփոխությունները կատարվում են
համակարգի շահառուների համար միջոցների հասանելիության բարձրացման նպատակով:
«Վարկային պայմանների բարելավման անհրաժեշտություն կա, ինչի արդյունքում բնակարանի գինը 25 մլն դրամից բարձրացել է մինչև 30 մլն դրամ, առավելագույն վարկի տոկոսադրույքը նվազեցվել է 9,5%-ից մինչև 7,5%», - ասաց Ղազարյանը:
Նա նշեց, որ բնակարան գնելիս նվազել է նաև կանխավճարը մինչև 7,5%, եթե կա այլ գրավային անշարժ գույք կամ ապահովագրություն բնակարանի արժեքի 12.5% -ի չափով: Ընդ որում, վարկավորման ժամկետը երկարացվել է մինչև 30 տարի:
Ինչպես նշել է վարչապետ Նիկոլ Փաշինանը, զգալիորեն բարելավվել են պայմանները երիտասարդ ընտանիքների կողմից բնակարանի ձեռքբերման համար:
«Մենք վերացնում ենք նաև տարիքային սահմանափակումը: Ամուսիններից յուրաքանչուրի 35 տարեկանի սահմանափակումը այլևս չի գործում, և սկսում է գործել ընդհանուր տարիքի հասկացողությունը` 70 տարեկան: Փաստացի, ամուսիններից մեկը կարող է լինել 50 տարեկան, մյուսը` 20», - ասաց Փաշինանը:
Ըստ սպորտի նախարարությանը, ծրագրի շրջանակում վարկավորմամբ զբաղվում են 19 ֆինանսական կազմակերպություններ` 14 բանկեր և 5 վարկային կազմակերպություն: Ըստ 2019 թ.-ի փետրվարի 26-ի տվյալներով տրվել է 3 905 վարկ, որոնցից 2030 Երևանում, իսկ 1857 մարզերում` 33 մլրդ 70 մլն դրամ ընդհանուր գումարի:-0-