ԵՐԵՎԱՆ, 11 հոկտեմբերի. /Նովոստի Արմենիա/. The Fund for Peace կազմակերպությունը հրապարակել է աշխարհի երկրների ամենամյա վարկանիշն` ըստ անկայունության մակարդակի։
Պետությունների անկայունության ինդեքսը համալիր ցուցանիշ է, որը բնութագրում է իշխանությունների ունակությունը (կամ հակառակը) սեփական տարածքի ամբողջականության, ինչպես նաև երկրում ժողովրդագրական, քաղաքական և տնտեսական իրավիճակի վերահսկման գործում։
Վարկանիշում ընդգրկված երկրները ներկայացված են ըստ նվազման` առաջին տեղերը զբաղեցրած պետությունները համարվել են առավել անկայուն կամ կայուն, իսկ ցուցակը եզրափակող երկրներն` առավել կայուն։
Загружается новость ... "Лево"
Վարկանիշն ընդգրկում է ընդհանուր առմամբ 178 երկիր, որոնց թվում Հայաստանը 71 ցուցիչով զբաղեցրել է 102–րդ տեղը։
Հետխորհրդային երկրների շարքում Հայաստանն առաջ է անցել Ռուսաստանից, որը զբաղեցրել է 67–րդ տեղը, Վրաստանից (79), Ադրբեջանից (81), Թուրքմենստանից (87), Ուկրաինայից (90), Բելառուսից (95) և Մոլդովայից (98)։
Հայաստանից առաջ են անցել Ղազախստանը (113), Լատվիան (141), Էստոնիան (143) և Լիտվան (148)։
Հետխորհրդային տարածքում ամենաանկայուն երկրների շարքում են Տաջիկստանը (61 տեղը), Ուզբեկստանը (63 տեզը) և Ղրղըզստանը (65)։
Երկրի ընդանուր վիճակը գնահատելու համար փորձագետները վերլուծում են պետության և քաղաքացիների անվտանգության ապահովման հարցում պետական հինգ առանցքային ինստիտուտների (քաղաքական իշխանություն, բանակ, իրավապահ համակարգ, դատական համակարգ և քաղաքացիական ծառաություններ) ունակությունը:
Աշխարհի ամենաանկայուն երկրների ցուցակում են Հարավային Սուդանը, Սոմալին և Հարավաֆրիկյան Հանրապետությունը, իսկ առաջատարներն են Ֆինլանդիան, Նորվեգիան ու Շվեյցարիան։ –0–